Tags-Charagh

tumhāre ba.ad chaman par jab ik nazar Daalī
kalī kalī meñ ḳhizāñ ke charāġh jalte the

charāġh-e-sub.h kī afsurdagī nahīñ tanhā
kahīñ qarīb yahīñ āftāb-e-shām bhī hai

dalīl-e-rāh dil-e-shab charāġh thā tanhā
buland-o-past meñ guzrī hai justujū karte

ishq huuñ to sham-e-husn-e-yār kā parvāna huuñ
husn huuñ to maiñ charāġh-e-ka.aba-o-but-ḳhāna huuñ

kabhī na hone diyā tāq-e-dil ko be-raunaq
charāġh ek bujhā aur dūsrā rakkhā

charāġh yuuñ to sar-e-tāq-e-dil ka.ī the magar
tumhārī lau ko hamesha zarā judā rakkhā

agar ujāloñ kī hai tamannā na bujhne paa.e charāġh dil kā
ki dil meñ jab raushnī na hogī to har taraf tīrgī milegī

charāġh kis liye dahlīz-e-dil pe raushan haiñ
ye kis kī diid ko āñkheñ haiñ farsh-e-rāh mirī

ai charāġh-e-nigah-e-yār maiñ jaañ se guzrā
ab mujhe kyā jo pa.e dil-zadagāñ to chamkā

maut kī āñdhī chalegī aur phir mere charāġh
dekhte hī dekhte nazr-e-havā ho jā.eñge

mujh se kahā gayā ki utāro ab apne aks
ā.īna ik charāġh tale de diyā gayā

nigāh aur charāġh aur ye asāsa-e-jāñ
tamām hotī huī shab ke naam karnā thā

kuchh aur din abhī is jā qayām karnā thā
yahāñ charāġh vahāñ par sitāra dharnā thā

thā jalānā hī agar dūri-e-sāqī se mujhe
to charāġh-e-dar-e-mai-ḳhāna banāyā hotā

rishtoñ kā e'tibār vafāoñ kā intizār
ham bhī charāġh le ke havāoñ meñ aa.e haiñ

bahut chehre nigāhoñ meñ ubharte Dūbte haiñ
agar kuchh der ko raushan charāġh-e-yād kar duuñ

charāġh-e-ḳhāna-e-dil ko supurd-e-bād kar duuñ
ye qaidī bhī kisī ke naam par āzād kar duuñ

'anjum' ye shab-gazīda sahar kyuuñ nasīb meñ
maiñ ne charāġh-e-shauq bujhāyā na thā kabhī

kise ḳhabar thī ki jal jā.egā chaman 'shārib'
charāġh ham ne jalā.e the raushnī ke liye

ye ahd-e-nau kā añdherā are ma.āz-allāh
taras rahe haiñ charāġh apnī raushnī ke liye