Tags-Charagh

dahlīz par jalā ke sar-e-shām ik charāġh
darvāza tum ne ghar kā khulā chhoḌ kyuuñ diyā

yūñhī umr-bhar tire rañg-o-bū se mire lahū kī vafā rahe
maiñ charāġh ban ke jalā karūñ to gulāb ban ke khilā rahe

us ik charāg se chehre kī diid mushkil thī
nazar kī lau kabhī girtī kabhī sambhaltī thī

havā.eñ raah meñ Derā jamā.e baiThī thiiñ
charāġh-e-dil ko liye do-qadam bhī chalte kyā

tū mard-e-momin hai apnī manzil ko āsmānoñ pe dekh nādāñ
ki rāh-e-zulmat meñ saath degā koī charāġh-e-alīl kab tak

ye āñkheñ kis liye phir aur dī haiñ dene vaale ne
charāġh-e-husn kā parvāna honā bhī zarūrī hai

jalne vaalo tā-ba-imkāñ zabt soz-e-ġham karo
aag jab bhaḌke charāġh-e-sarhad-e-manzil bano

kis ke chehre se uTh gayā parda
jhilmilā.e charāġh mahfil ke

ab balā se ho charāġh-e-dair yā sham-e-haram
qasd jal kar ḳhaak ho jaane kā parvāne meñ hai

charāġh auñdhe paḌe the zamīn par saare
aur un ke paas meñ un kī laveñ paḌī huī thiiñ

kuchh to charāġh-e-zīst kī lau bhī thī nā-tavāñ
aur kuchh havā ne us ko ubharne nahīñ diyā

jaltā charāġh-e-dil shab-e-hijrāñ meñ der tak
mauqa.a magar numūd-e-sahar ne nahīñ diyā

jab bhī chuum letā huuñ un hasīn āñkhoñ ko
sau charāġh añdhere meñ jhilmilāne lagte haiñ

saaya sachchal shaah kī ajrak raushan miir charāġh
amrohe se uTh kar aa.e ham bāġh-e-multān

ik charāġh aur sar-e-rah-guzar-e-bād sahī
chaar tinkoñ ke liye kaun gulistāñ māñge

ye phuul ye charāġh ye tāroñ kā qāfila
sab kuchh hai tere ḳhvāb ke paikar nahīñ rah

ba.ad-e-shab-e-visāl na dekhūñ maiñ dāġh-e-hijr
yā-rab charāġh-e-umr bujhā de havā-e-sub.h

kal niiñd meñ charāġh ko nārāz kar diyā
sūraj ne aaj sub.h jagāyā nahīñ mujhe

maiñ aaj zad pe agar huuñ to ḳhush-gumān na ho
charāġh sab ke bujheñge havā kisī kī nahīñ

usī ke saath chaltā hai koī ummīd kā jugnū
ki jis ke dil meñ bhī koī charāġh-e-ishq jaltā hai