Tags-Chehra

jo fidā-e-sūrat-e-ḳhūb haiñ unheñ tab kahūñgā ki dekhiye
koī shakl apnī hī chashm meñ kabhū sair kartī jo aa ga.ī

shab ḳhumār-e-shauq-e-sāqī rustaḳhez-andāza thā
tā-muhīt-e-bāda sūrat ḳhāna-e-ḳhamyāza thā

kahāñ paaoñ rakkhūñ pareshān huuñ
zamīñ sūrat-e-āsmāñ hai miyāñ

aaj aatī hai nazar mujh dil ke shīshe meñ parī
dekh lo lahza meñ ye sūrat numāyāñ phir kahāñ

aayā mare qarīb gul-e-sīm-tan kī tarah
saarā sukūn sūrat-e-sīmāb le gayā

vo bātoñ bātoñ meñ bhar aanā apnī āñkhoñ kā
vo us kā dekh ke sūrat ko haa.e hañs denā

sūrat hai 'inshā'-jī kī sī
baal pareshāñ āñkheñ nīchī

chashm-e-be-ḳhvāb kī sūrat hai samundar meñ sadaf
abr-e-nīsāñ se koī shola-e-tar aane tak

hisār-e-zāt se bāhar nikal kar
maiñ har sūrat meñ tujh ko DhūñDhtā huuñ

tum apne ghar ke añdhere meñ kyā dekhte ho dīvāroñ ko
ye sham.a kī sūrat jalnā kyā aa.egī havā bujh jāoge

ye jo hai sūrat-e-hālāt badal saktī hai
kaash kar paañv safar ḳhair se shar kī jānib

dil ko ġham raas hai yuuñ gul ko sabā ho jaise
ab to ye dard kī sūrat hī davā ho jaise

tohmat-e-sho.ala-zabāñ le kar
sūrat-e-zaḳhm iltimās kiyā

koī bhī hālat nahīñ davāmī koī bhī sūrat nahīñ mudāmī
hayāt apnī hai vo ḳhazāna nahīñ hai jis meñ qarār maayā

tajarbe kī aañch par har shai hai yuuñ ātash-bajāñ
chāñdnī bhī sūrat-e-barq-e-tapāñ hone ko hai

gūñdh kar Dhaal kisī sūrat-e-yaktā.ī meñ
jaan o tan qalb o nazar tere havāle hue haiñ

ek sāġhar-e-labrez aur sūrat-e-suqrāt
jāvedāñ nahīñ hote sirf zahr chakhne se

kaif-zā hai ye sūrat-e-bāda
pī rahā thā 'kabīr' āzāda

mahbūb kī mānind iThlā.e
ma.ashūq kī sūrat sharmā.e

ajiib sāñche kī kashtiyāñ bah rahī thiiñ lahroñ ke zer-o-bam par
ajiib sūrat ke bādbāñ the huzūr ko kuchh to yaad hogā