Tags-Chehra

rahtā hai dil har ek kā har ek kaam meñ ek
apnā ḳhayāl sūrat-e-parkār kar rakhūñ

hastī mirī adam hī sahī sūrat-e-'sahāb'
maiñ sīpiyoñ meñ āb-e-guhar chhoḌ jā.ūñgā

chāñd nikhrā hai tirī lauh-e-jabīñ kī sūrat
raat bikhrī hai tirī zulf-e-pareshāñ kī tarah

apnī sūrat bigaḌ ga.ī lekin
ham unheñ ā.īna dikhā ke rahe

guftugū-e-sūrat-o-mānī hai unvān-e-hayāt
khelte haiñ vo mirī fitrat kī hairānī ke saath

sar-e-navishta-e-taqdīr ḳhvāb kī sūrat
likhe haiñ ret pe kuchh harf-e-rā.egān se log

kaam āḳhir jazba-e-be-iḳhtiyār aa hī gayā
dil kuchh is sūrat se taḌpā un ko pyaar aa hī gayā

vo parī se huur ban jaate yaqīnī baat thī
un kī sīrat par agar paḌ jaatā sūrat kā asar

kyuuñ gunahgār banūñ visa-farāmosh rahūñ
kab talak ḳhauf-zada sūrat-e-ḳhargosh rahūñ

achchhī sūrat nazar aate hī machal jaatā hai
kisī aafat meñ na Daale dil-e-nāshād mujhe

ret par sūrat-garī kartī hai kyā bād-e-junūb
koī dam meñ mauja-e-bād-e-shimāl aa jā.egā

shaam nahīñ Dhaltī kisī sūrat raat nahīñ kaTtī kisī taur
ab to bahut dil ghabrā.e hai ab to bahut yaad aao ho

dūsrī zindagī dene kī zarūrat hī na thī
har na.ī shakl kī sūrat meñ izāla thā mirā

ḳhudā kī shaan hai 'sā.ib' sab ek haiñ lekin
kisī bashar se kahīñ sūrat-e-bashar na milī

maiñ ek tinke kī sūrat hamesha bahtā rahā
mujhe mafar na milā vaqt ke samundar se

na sañg-e-rāh na sadd-e-quyūd kī sūrat
maiñ Dah rahā huuñ ab apne vajūd kī sūrat

laraz rahā huuñ maiñ apnī jasāratoñ par 'shām'
vo sahmā sahmā khaḌā hai jumūd kī sūrat

guzashta sadiyoñ kā bhī bojh mujh ko Dhonā thā
adā huā huuñ maiñ har lamha suud kī sūrat

mirī nazar meñ tayaqqun kī dhuup raushan ho
kabhī to phaile vo rañg-e-shuhūd kī sūrat

jabīñ pe ḳhāk-e-taqaddus huuñ mujh ko pahchāno
chamak rahā huuñ maiñ naqsh-e-sujūd kī sūrat