Tags-Chehra

pastī aur bulandī kyā ab apne ḳhvāb hayūle bhī
gard kī sūrat uḌte haiñ aur rāhguzar meñ rahte haiñ

terī sūrat meñ tujhe DhūñD rahā huuñ maiñ bhī
ġhāliban tū bhī mujhe DhūñD rahā hai mujh meñ

paar utarne meñ bhī ik sūrat-e-ġharqābī hai
kashti-e-ḳhvāb rah-e-mauj pe bahnā achchhā

ba-har-sūrat safīna Duub jaatā hai mohabbat kā
kabhī Takrā ke tūfāñ se kabhī Takrā ke sāhil se

vo shakl apnī har dam badalte rahe
yahāñ mashq-e-sūrat-parastī rahī

nit jin āñkhoñ meñ rahe thā terī sūrat kā ḳhayāl
ab vo āñhkeñ sūrat-e-ā.īna haiñ hairat-parast

'nazīr' haT jā pare sarak jā badal le sūrat chhupā le muñh ko
jo dekh levegā vo sitamgar to yaar hogā abhī jhaḌākā

apnī sūrat hī na pahchānī ga.ī
vaqt ā.īna to dikhlātā rahā

vo jādūgar kī sūrat jhuuT ko sach kar dikhāte haiñ
kisī ko bad-gumāñ karne meñ kitnī der lagtī hai

paTaktā sar jo sañg-e-sūrat-e-shīrīñ se behtar thā
abas teshe ke sar ḳhuuñ de gayā farhād kyā kiije

asia ke to tumheñ naam se kahnā hī nahīñ
vahī sūrat hai use kitnā hī ulTo palTāo

jatan bhī kyā hasīñ sūjhā hai tujh ko pyaar karne kā
tirī sūrat mujhe apnī nazar mahsūs hotī hai

tamām partav haiñ aks-e-partav tamām jalve haiñ aks-e-jalva
kahāñ se lā.ūñ misāl-e-sūrat ki aap sā dūsrā kahāñ hai

aa.ine ko tirī sūrat se na ho kyuuñ kar hairat
dar o dīvār tujhe dekh ke hairān hai aaj

dil meñ zaḳhm ashkoñ meñ ḳhuuñ sūrat ba-bīñ-ālam-mapras
vo nigah uf vo mizha nāvak chhupā nashtar khulā

kaun sā maiñ javāz duuñ sūrat-e-hāl ke liye
dast-e-saḳhī meñ kuchh nahīñ dast-e-savāl ke liye

chāhe apne ġham kī ho yā ġham-e-zamāna kī
baat to bahar-sūrat kuchh nikaltī rahtī hai

merī āñkheñ haiñ abhī bhī is tilismī qaid meñ
is kī vo dhundlī sī sūrat jā-ba-jā bantī huī

pattī pattī kī sūrat the bikhre hue gul hasīñ baaġh ke
surḳh āñdhī chalī hijr lāhaq huā phir bhī shādāb the

us ne mujh ko dariyā kar Daalā ye us kī azmat hai
maiñ to qatre kī sūrat bhī rahne par āmāda thā