Tags-Chehra

ham us se chaah kar bhī bach nahīñ sakte kisī sūrat
nibhānā paḌtā hai is ko mohabbat ek va.ada hai

dil kī sūrat ghaT rahī hai Dūbte sūraj kī lau
uTh rahā hai kuchh dhuāñ sā duur bal khātā havā

tirā ye buuTā sā qad qayāmat pe chaal matvālī aafat aafat
ye pyārī sūrat sitam dupaTTa ġhazab kī rañgat balā ke āñchal

sūrat pe ujāle the agar shams-o-qamar ke
zulfoñ kī siyāhī meñ ghaTā.eñ bhī bahut thiiñ

aisī bhī sūrat-e-hālāt na samjhī jaa.e
merī paspā.ī mirī maat na samjhī jaa.e

ab bahar-sūrat sar-e-maidāñ utarnā hai mujhe
kār-zār-e-ishq se paspā.ī kī sūrat nahīñ

gar ġhair saath saaye ke sūrat na thā to kyuuñ
misl-e-sabā chaman se sidhāre alag-thalag

majlis meñ āshiqoñ kī jab aayā vo sham.a-rū
mahjūb ho ke sham.a ne sūrat badal kiyā

kaun karegā sūrat saiqal
zañg lagā ik ā.īna huuñ

jiine detī hai kise pyaar kī sūrat kāfir
dost to dost hai dushman bhī fidā hotā hai

chhoTā sā mirā dil hai TuuTā sā mirā dil hai
sūrat meñ to paimāna vus.at meñ hai mai-ḳhāna

kabhī to sar meñ samāyā junūn kī sūrat
kabhī ġhubār kī sūrat uḌā diyā hai mujhe

bole dikhlā ke ā.īna shab-e-vasl
dekhiye to yahī vo sūrat hai

mirī chashm-e-tan-āsāñ ko basīrat mil ga.ī jab se
bahut jaanī huī sūrat bhī pahchānī nahīñ jaatī

ab shāyad isī sūrat kuchh baat bane un kī
sochī thī jo english meñ tahrīr kī urdu meñ

the hamāre ḳhuuñ ke qatre ḳhaak kī sūrat ḳhudā
tere naqsh-e-pā ko chhū kar āb-e-zamzam ho ga.e

phir bhī maiñ is sūrat-e-hāl ko
vāzeh taur par samajhnā chāhtā huuñ

sūrat-e-hāl ab to vo naqsh-e-ḳhayālī ho gayā
jo maqām mā-sivā thā dil meñ ḳhālī ho gayā

Thahrā.ī hai ab hāl-e-ġham-e-dil ne ye sūrat
mastī kī tarah dīda-e-mai-nosh meñ rahiye

ham jise dard-āshnā samjhe
umr bhar sūrat-āshnā hī rahā