Tags-Dard

dard-e-jigar kī tum pe musībat paḌī nahīñ
tum to kahoge ishq kī manzil kaḌī nahīñ

ilm se har chand tujh ko kam kiyā hai bahra-mand
lekin is se ho na ai ma.asūm aurat dard-mand

qindīl-e-sahar nūr-e-manzil ḳhurshīd-e-sahar sham-e-sāhil
ye ḳhūn-e-shahīdāñ kā maḳhzan ye dard-e-rafīqāñ kā hāsil

jigar meñ dard dil meñ Tiis dam ghuTne lagā apnā
bhalā ham ek ghar meñ aur do bīmār rahne deñ

qaum ke dard se huuñ soz-e-vafā kī tasvīr
merī rag rag se hai paidā tap-e-ġham kī tāsīr

dard hai dil ke liye aur dil insāñ ke liye
tāzgī barg-o-samar kī chamanistāñ ke liye

hind meñ insāniyat kā daur hī baaqī nahīñ
dard ho kis tarah koī mard hī baaqī nahīñ

nashāt-e-dard kā dariyā utarne vaalā hai
maiñ is se aur vo mujh se ubharne vaalā hai

'anvar' ne badle jaan ke lī jins-e-dard-e-dil
aur is pe naaz ye ki ye saudā garāñ na thā

kahte ho kis ke qalb meñ uThtā hai shab ko dard
rotā hai dil mirā mire hāl-e-tabāh par

jo visāl-o-hijr se duur hai jo karam sitam se hai be-ḳhabar
kuchh uThā huā hai vo dard bhī kuchh uThī huī vo nazar bhī hai

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

vahī dard bhī hai davā bhī hai vahī maut bhī hai hayāt bhī
vahī ishq nāvak-e-nāz hai vahī ishq sīna-sipar bhī hai

ik dard kā phailā huā sahrā hai ki maiñ huuñ
ik mauj meñ aayā huā dariyā hai ki tum ho

rog bhī tū ne lagāyā hai anokhā 'shahzād'
ab kahāñ se tire is dard kā daarū aa.e

dard meñ Duubī huī raakh meñ nahlā.ī huī
raat yuuñ aa.ī hai jaise koī sādhū aa.e

zamāne ko to mere vāste in sab ne chhoḌā hai
na huuñ kis tarah maiñ mamnūn dard-o-ranj-o-mehnat kā

dushvāriyoñ ko ishq ne āsāñ banā diyā
ġham ko surūr dard ko darmāñ banā diyā

bas tabīb uTh jā mirī bālīñ se mat de dard-e-sar
kaam yaañ āḳhir huā ab fā.eda tadbīr kā