Tags-Dard

zor se saañs jo letā huuñ to akasr shab-e-ġham
dil kī āvāz ajab dard bharī aatī hai

dard hī gar hāsil-e-hastī hai to
dard kī had se guzar ke dekhte

mujhe vaa.iz apnī lagī hai dhun koī phuul ātish-e-tar kā chun
mire dard-e-dil kī hadīs sun kabhī chheḌ kar lab-e-jām se

jo azal meñ thā vahī nuur hai ki charāġh-e-mahfil-e-tūr hai
koī rahne vaalā zarūr hai mire dil meñ dard ke naam se

zaḳhm bharne lage dard tham sā gayā ik sahārā milā dil ko Dhāras bañdhī
us ke qaul-o-qasam meñ bhī ik baat thī jo bhī us ne kahā e'tibār aa gayā

dil kī vaadī meñ tirā dard barastā hī rahā
abr-e-naisāñ kī tarah abr-e-bahārāñ kī tarah

jahāñ aadmī kī baqā rahe jahāñ fikr-o-fan ko jilā mile
jahāñ dard-e-nau kā pata mile vahāñ āgahī kī talāsh kar

lekin is ḳhvāb-e-ḳhayālī kā natīja kyā hai
raat kī god mire dard kī manzil to nahīñ

vaqt kī bāzgasht se kab ye huā ki Dar ga.e
dard kī dhuup Dhal ga.ī hijr ke din guzar ga.e

ik yahī to mirā hamrāz thā tanhā.ī kā
dard ko dil kī havelī meñ chhupā.e rakkhā

dard to zaḳhm kī paTTī ke haTāne se uThā
aur kuchh aur bhī marham ke lagāne se uThā

aaj phir dard ke bāzār saje haiñ yaaro
ashk phir āñkhoñ meñ dūkān lagāne aa.e

maraz-e-ishq ko shifā samjhe
dard ko dard kī davā samjhe

dard ne karvaT hī badlī thī ki dil kī aaḌ se
daf.atan parda uThā aur parda-dār aa hī gayā

ab tirī jhūTī lagāvaT meñ na ā.ūñgā kabhī
muft iizā pā.ūñ nāhaq dard-e-sar paidā karūñ

ye taġhāful vasl kī shab pūchhte haiñ merā haal
ab duā.eñ maañg kar dard-e-jigar paidā karūñ

kisī kā dard bāñTe ġham meñ ro.e
'zafar' ehsās logoñ meñ kahāñ hai

bīmār dil ke hamdam ik dard-o-ġham the so bhī
bahr-ayādat aate haiñ gaah gaah donoñ

ab na āh-e-jigar meñ soz rahā
aur vo dard bhī ghuTan meñ nahīñ

ho jaa.e yaas jis meñ so āshiqī hai varna
har ranj ko shifā hai har dard ko davā hai