Tags-Dard

kamre meñ dhuāñ dard kī pahchān banā thā
kal raat koī phir mirā mehmān banā thā

huī kāshif-e-haqīqat ye zamīr-e-mai-kada kī
mirī be-ḳhudī jo durd-e-tah-e-jām ban ke aa.ī

hichkiyāñ raat dard tanhā.ī
aa bhī jaao tasalliyāñ de do

kī tark-e-mohabbat to liyā dard-e-jigar mol
parhez se dil aur bhī bīmār paḌā hai

tab patā chalā ham ko zaḳhm kitne gahre haiñ
dard ke nasheboñ meñ jab utar ke ro.e the

bāb-e-rañg ġhunchoñ ke pairahan pe vā kar ke
khil rahī hai shāḳhoñ par dard kī pazīrā.ī

shām-e-alam Dhalī to chalī dard kī havā
rātoñ kī pichhlā pahr hai aur ham haiñ dosto

aage bhī tere ishq se khīñche the dard-o-ranj
lekin hamārī jaan par aisī balā na thī

rañg par jab vo bazm-e-nāz aa.ī
ham uThe le ke dard-e-tanhā.ī

is tarah dard kā tum apne mudāvā karnā
yād-e-māzī ko charāġh-e-rah-e-fardā karnā

aql ke bas kī nahīñ baḳhiyā-girī phūloñ kī
dard jis ko ho gulistāñ kā vo dīvāna bane

mirā dard pūchhā mirā haal dekhā mire dil kā armān tum ne nikālā
ḳhudā aur bhī de zyāda marātib sivā aur is se bhī ho bol-bālā

rah rah ke na taḌpāo ai be-dard masīhā
hāthoñ se mujhe zahr pilā kyuuñ nahīñ dete

girtī nahīñ kyuuñ mujh pe kisī zaḳhm kī shabnam
maiñ qāfila-e-dard se bachhḌā huā kyuuñ huuñ

tumhāre shahr meñ aa.e haiñ ahl-e-ġhurbat phir
is aas par ki koī dard-āshnā hogā

adam meñ tarsoge dard-e-jigar ko ai 'taslīm'
jo ho sake koī siine pe tiir khaa.e chalo

mai-kashī meñ rakhte haiñ ham mashrab-e-durd-e-sharāb
jām-e-mai chaltā jahāñ dekhā vahāñ par jam ga.e

dīvāna-e-ulfat ko dar se tire miltā hai
har zaḳhm kā marham bhī har dard kā darmāñ bhī

aañkh se bah jā.egā dil meñ agar baaqī rahā
qatra-e-ḳhūñ dāstān-e-dard kī takmīl tak