Tags-Dhoka

nazar ġhazāl mohabbat naqāb jhiil ajal
surūr-e-ishq taqaddus fareb-e-amr-o-nahī

tum ko fareb-e-ġhair se āgāh kar diyā
varna mujhe kisī se koī dushmanī nahīñ

husn kā āġhosh-e-rañgīñ dil-fareb-o-dilrubā
ilm se ban jaa.e aqlīdas kā mahz ik dā.era!

al-amāñ ai tere masnūī tabassum kā fareb
thartharā uThtī hai jis ke zor se nabz-e-shakeb

koī ho jaatā hai jab tere tasanño kā shikār
chupke chupke kaam kartā hai fareb-āmez pyaar

reshmīñ rūmāl se hoñToñ kī surḳhī ko na chhū
mujh pe chhal saktā nahīñ terā fareb-e-rañg-o-bū

ye nazākat kī numā.ish ye fareb-āmez chaal
dosh-e-hastī par terā nāpāk hastī hai vabāl

kabhī koī vaada vafā na kar yūñhī roz roz bahāna kar
tū fareb de ke chalā gayā tirā e'tibār nahīñ gayā

mizāj-e-husn-o-mohabbat meñ sādgī na fareb
na vo yaqīn rahā ab na vo daġhā.eñ rahīñ

shahr-e-vafā ḳhamosh hai patthar bane baġhair
kaisā fareb-e-koh-e-nidā ne asar kiyā

umīd-o-yās meñ ye roz-o-shab kī kashmakash tauba
ba-har-lamha fareb-e-gardish-e-ayyām kyā kahiye

hargiz fareb-e-rañg-e-masarrat na khā.iye
ye ġham kā naam hai ye haqīqī ḳhushī nahīñ

vahī madār-e-tamannā vahī sitāra-e-dil
fareb-ḳhurda-e-māzī-o-hāl-o-mustaqbil

sab dilāse us ke jhūTe us ke sab vaade fareb
kab tak āḳhir ham raheñ sabr-o-razā oḌhe hue

mai-kashoñ ko nashsha ho jaatā hai be-jām-o-subū
husn kī vo dil-fareb añgḌā.iyāñ dehlī meñ haiñ

girā na aañkh se aañsū fareb-e-qismat par
sukūn jis se ho vo iztirāb paidā kar

allāh re fareb-e-nazar-e-chashm-e-fusūñ-sāz
banda hai har ik shaiḳh har ik barahman un kā

khātā nahīñ fareb-e-tamannā-e-do-jahāñ
ḳhūgar nahīñ hai tausan-e-himmat lagām kā

vo tez dhuup hai ki pighalne lage haiñ ḳhvāb
zulfoñ ke saa.e deñge fareb-e-bahār kyā

vo ḳhamīda-qad ḳham-e-māh--enau vo nazar-fareb ḳhunuk sī zau
vo nigāh-e-barq-e-amal kī rau ki diloñ ko jis ne hilā diyā