Tags-Dua

duā se tazkiya-e-nafas tak safar hai bahut
libās badloge kitne bhī ab zarūrat ke

sahrā kī dhuup meñ bhī shajar dekhte rahe
kyā log the duā kā asar dekhte rahe

dosto kaash dukh ke lamhoñ meñ
tum davā karte ham duā karte

duā kyā duuñ bhalā jaate hue maiñ
tumheñ takne se hī fursat nahīñ hai

harf-e-duā hai paas na lab par shikāyateñ
jo kuchh huā yahāñ pe vo yārab burā huā

āḳhirash ashkoñ ke chalte hī duā puurī huī
tum ne aḳhtar jin ko rakkhā aaj tak apne se duur

sochtā huuñ ki ba-īñ ālam-e-betābī-e-dil
kaun māñgegā mohabbat kī duā mere ba.ad

kahīñ dikhā.ī na dī anjum-e-duā kī chamak
ghane añdhere meñ ik haath bhī uThā na milā

ma.amūl thā dushnām evaz apnī duā kā
so vo bhī ka.ī din se maiñ in.aam na paayā

takmīl-e-ārzū se bhī hotā hai ġham kabhī
aisī duā na maañg jise bad-duā kaheñ

shabnam kī jagah aag kī bārish ho magar ham
'mansūr' na māñgeñge duā aur tarah kī

sar-e-kūcha-e-ishq aa pahuñche ho lekin zarā dhyān rahe ki yahāñ
koī nekī kaam nahīñ aatī koī duā qubūl nahīñ hotī

tujh ko javār-e-rahmat-e-haq meñ jagah mile
māñgā karūñgā ab ye duā har sehr ko meñ

taqdīr hī ne haa.e na kī kuchh musā.idat
kyā ro.uuñ ab duā-o-davā ke asar ko maiñ

rah-ravī kā yahī taqāzā hai
rāhzan ko duā diye jaao

shahīd hai 'sāqī'-e-duā-go kashīda kyuuñ is qadar hue ho
kabhī to ai yaar dekhne ko zarā qatīl-e-nazar ko chaliye

ilāhī vaqt badal de mirī qazā ke liye
jo koste the vo baiThe haiñ ab duā ke liye

is liye chal na sakā koī bhī ḳhanjar mujh par
merī shah-rag pe mirī maañ kī duā rakkhī thī

is ishq ke dard kī kaun davā magar ek vazīfa hai ek duā
paḌho 'mīr'-o-'kabīr' ke bait kabit suno sher-e-'nazīr' faqīr-o-ġhanī

dast-e-duā ko miltī hai tāsīr arsh se
jo haath se ho paañv se vo justujū na ho