Tags-Dushman

pahlū meñ dil hamāre hai zeb-e-kanār-e-yār
āġhosh meñ hai dost to dushman baġhal meñ hai

jab dekhiye hamrāh hai dushman kā tasavvur
ham se to vo ḳhalvat meñ bhī tanhā nahīñ miltā

har qadam pe nākāmī har qadam pe mahrūmī
ġhāliban koī dushman dostoñ meñ shāmil hai

havā-e-sub.h-e-numū dushman-e-chaman kaise
shikār-e-rashk-o-raqābat gul-o-saman kaise

mire atrāf dushman haiñ parā.e aur apne bhī
laḌe tanhā zamāne se tumheñ kyā farq paḌtā hai

kyā kam thā hijr-e-yār hī phir us pe rashk-e-ġhair
dushman ko bhī ḳhudā na kare mubtalā-e-dost

yahīñ pe manzil kareñge raahī yahīñ pe sab qāfile rukeñge
Thahar zarā shauq-e-sabr dushman ye dard be-iḳhtiyār kyā hai

dushman-e-jāñ hai tishna-e-ḳhūñ hai
shoḳh hai baañk hai nikat bhuuñ hai

Dartā nahīñ jo dil meñ ho dushman ke lagā.e
un par ye huvaidā hai ki maiñ kuchh nahīñ kahtā

dushman mujh par ġhālib bhī aa saktā hai
haar mirī majbūrī bhī ho saktī hai

allāh allāh ye fazā-e-dushman-e-mehr-o-vafā
āshnā ke naam se hotā hai barham āshnā

pās-e-ḳhuddārī to hai lekin vafā-dushman nahīñ
tum ne ham par tark-e-ulfat kā gumāñ kaise kiyā

dekh kar mujh ko bole dushman se
ek dilbar pe ye bhī marte haiñ

mahfil-e-dushman meñ jo guzrī vo mere dil se pūchh
har ishāra jumbish-e-abrū kā ḳhanjar ho gayā

jis ko sun ke dushman bhī mujh pe rashk karte haiñ
dostoñ se maiñ ne vo baat hī chhupā lī hai

is hasti-e-fānī se kar qat-e-nazar 'fānī'
tū dost kā tālib hai dushman se judā ho jā

dushman hai merī jaan kā aalam tire liye
yaaro koī sunāo ye us dost-dār tak

muskurātā huā ye dushman-e-derīna mirā
aaj maidān meñ aayā hai na.e vaar ke saath

dil milne pe bhī pahlū na milā dushman to baġhal hī meñ hai chhupā
qātil hai mohabbat kī ye hayā tum aur kahīñ ham aur kahīñ

dushman se bhī haath milāyā jā saktā hai
dard kā bhī to lutf uThāyā jā saktā hai