Tags-Falak

purāne haiñ ye sitāre falak bhī farsūda
jahāñ vo chāhiye mujh ko ki ho abhī nau-ḳhez

banā.e sab ne isī ḳhaak se diye apne
falak se TuuT ke shams-o-qamar nahīñ aa.e

mire sivā kuchh nahīñ kahīñ bhī azal abad ek ḳhvāb-e-mastī
zamīñ qadam-bhar hai mere nīche falak nigah-bhar hai aur maiñ huuñ

jo āshnā-e-fazā-e-falak the ai 'māhir'
vo ḳhizr bhī to mirī gard-e-pā meñ band rahe

thapvā.īñ un kī maaTī kī īñTeñ falak ne haif
thā shor jin ke mahloñ meñ table kī thaap kā

ye kaun ham ko falak se paiham bulā rahā hai
hai is jahāñ meñ ye roz kā chal-chalāv kaisā

kamāl-e-shauq-e-nazzāra meñ uryāñ hotā jaatā hai
sar-e-bām-e-falak vo māhtāb āhista āhista

falak se hotī haiñ nāzil balā.eñ ban ban kar
kabhī jo haath uThātā huuñ maiñ ḳhudā ke liye

falak ko toḌ ke arsh-e-barīñ hilā denā
hai sahl kaam mire nāla-e-rasā ke liye

hogā barbād misl-e-kāġhaz baad
sar ko khīñchā falak pe gar tan kar

maiñ nahīñ shākī falak kā hijr ke ayyām meñ
mujh se juuñ sub.h apnī hī kartī hai jeb-e-chāk jañg

jī chāhtā hai falak pe jā.ūñ
sūraj ko ġhurūb se bachā.ūñ

falak kī band galī ke faqīr haiñ tāre!
ki ghuum phir ke yahīñ se unheñ guzarnā hai

falak se nūr-o-tamāzat to lete haiñ lekin
shajar jaḌoñ ko faqat ḳhaak hī se bāñdhte haiñ

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

kasrat nujūm kī na falak par ye samjhiyo
ġhirbāl ho gayā hai mire tīr-e-āh se

ab zamīnoñ ko bichhā.e ki falak ko oḌhe
muflisī to bharī barsāt meñ be-ghar huī hai

kyā sikhā.egā un ko zulm-e-falak
ḳhud vo sīkhe-sikhā.e baiThe haiñ

saaqī ke paas vus.at-e-mashrab ne raah dī
maiñ kāsa-e-falak evaz-e-jām le gayā

ham haiñ zamīñ ke log magar dekh ai falak
letā hai imtihāñ tū hamārā bahut ġhalat