Tags-Gulshan

ek muddat ba.ad 'sarvar' gulshan-e-hastī meñ ab
phir bahār-e-īd aa.ī un kī yaad aane lagī

aate haiñ vo sair-e-gulshan ko kāñToñ se bachā.e dāman ko
hoñToñ pe tabassum hai un ke āñkhoñ se sharārat hotī hai

bujhā do sham-e-mohabbat jalā do gulshan-e-ishq
Darā sakegī na āshiq ko ye muhīb nazar

hosh uḌeñge jo zamāne kī havā bigḌegī
chaar hī din meñ ḳhizāñ gulshan-e-hastī hogā

khet shādāb haiñ gulshan meñ bhī ra.anā.ī hai
ek muddat pe duāoñ kī pazīrā.ī hai

raunaqeñ ābādiyāñ kyā kyā chaman kī yaad haiñ
bū-e-gul kī tarah ham gulshan ke ḳhāna-zād haiñ

apnā ghar phir apnā ghar hai apne ghar kī baat kyā
ġhair ke gulshan se sau darja bhalā apnā qafas

guloñ ne aag lagā dī tamām gulshan meñ
zarā sī der ke lutf-e-shaguftagī ke liye

sehn-e-gulshan meñ ka.ī daam bichhe haiñ ai 'asar'
uḌ ke jā.ūñ bhī agar maiñ to kidhar jā.ūñgā

duur gulshan se kisī dasht meñ le jā sayyād
ham-safīroñ ke tarānoñ meñ to mar jā.ūñgā

gulshan meñ gar dekheñ mujhe huiiñ sumbul o nargis ḳhajil
dil hai pareshāñ is qadar āñkheñ haiñ hairāñ is qadar

maiñ andalīb huuñ ik gulshan-e-mohabbat kā
so maiñ bhī kuchh mire sayyād karne vaalā huuñ

sair kar dasht-e-ishq kā gulshan
ġhunche ho ho rahe haiñ sau sau ḳhaar

saare gulshan ko jalāne ke liye kaafī hai
ek sho.ala jo dil murġh-e-giraftār meñ hai

guloñ meñ rañg bhare bād-e-nau-bahār chale
chale bhī aao ki gulshan kā kārobār chale

sunsān bayābānoñ meñ hai ik jazba-e-gulshan-ārā.ī
vīrāñ khañDaroñ meñ letā hai mahloñ kā tasavvur añgḌā.ī

dil kā dilbar jab se dil kī dhaḌkan hone vaalā hai
suunā suunā merā āñgan gulshan hone vaalā hai

bahār aa kar jo gulshan meñ vo gaa.eñ
to ġhuncha har taraf chuTkī bajā.eñ

khulā hai dil meñ ik dāġhoñ kā gulshan
ugaltā hai mirā zaḳhm-e-jigar aag

kyā hai gulshan meñ jo qafas meñ nahīñ
āshiqoñ kā jilā-vatan dekhā