Tags-Hasrat

dil-e-be-ārzū kaafī hai ham hasrat-nasīboñ ko
mubārak ho sadaf ko apnī muTThī meñ guhar rakhnā

tez lahroñ meñ salāmat nahīñ koī 'ḳhurshīd'
kis tarah hasrat-e-tāmīr nikal aa.ī hai

shab ko mirī chashm-e-hasrat kā sab dard-e-dil un se kah jaanā
dāñtoñ meñ dabā kar hoñT apnā kuchh soch ke us kā rah jaanā

zindagānī tujhe le jā.ūñ meñ kis ke dar par
dil meñ hasrat na rahī sar meñ bhī saudā na rahā

haañ nahīñ shart-e-muravvat hasrat-e-tāsīr-e-dard
rahm aa hī jā.egā un se taqāzā kyā kareñ

jin meñ dahqānoñ kī hasrat kā jhalaktā hai lahū
ham ko vo gulshan-e-shādāb jalāne hoñge

miTTī ko chuum lene kī hasrat hī rah ga.ī
TuuTā jo shāḳh se to havā le ga.ī mujhe

har hasrat par ek girah sī paḌ jaatī thī siine meñ
rafta rafta sab ne mil kar dil sī shakl banā lī hai

ilāj-e-hasrat-e-dil-gīr kar rahā huuñ maiñ
muqaddarāt kī ta.amīr kar rahā huuñ maiñ

udhar aish-o-ishrat idhar yās-o-hasrat jahāñ vaale dekheñ jahāñ kī do-rañgī
kahīñ koī paiham bachātā hai baġhleñ koī pīTtā hai kahīñ sar dhaḌā-dhaḌ

mire dil ke hāthoñ se bahr-e-vafā meñ mirī zindagī meñ na ho jaa.e gaḌbaḌ
kabhī kasrat-e-rañj-o-ġham kā thapeḌā kabhī josh-e-ummīd-o-hasrat kī ojhaḌ

hamesha tamannā-o-hasrat kā jhagḌā hamesha vafā-o-mohabbat kā hullaḌ
thame kyā tabī.at ruke kis tarah dil ye aafat vo fitna ye āñdhī vo jhakkaḌ

ġhairoñ ne be-dilī se mirī paa.e mudda.ā
maiñ gum huā na kyuuñ dil-e-hasrat-fazā ke saath

ik aur bhī hasrat hai pas-e-hasrat-e-dīdār
ik aur bhī āġhāz hai anjām ke aage

guzregī kyā jamāl-e-ruḳh-e-yār dekh kar
hairat hai husn hasrat-e-dīdār dekh kar

is dil-figār-e-shauq kī hasrat na pochhiye
majrūh ho gayā ho jo talvār dekh kar

hasrat-o-yās-o-ārzū shauq kā iqtidā kareñ
kushta-e-ġham kī laash par dhuum se ho namāz-e-ishq

ḳhumār hasrat-e-dīdār meñ rahūñ har dam
savād-e-ishq yūñhī terī shiddatoñ meñ rahūñ

bahr-ayādat bhī jo na ā.eñge na hamāre bālīñ par
barsoñ mere dil kī hasrat sar par ḳhaak uḌā.egī

mahv-e-adā ho jā.ūñgā gar vasl meñ vo sharmā.egī
bār-e-ḳhudāyā dil kī hasrat kaise phir bar aa.egī