Tags-Hasrat

nikle hai merī ḳhaak se nargis
ya.anī ab tak hai hasrat-e-dīdār

hamārī niiñd kī hasrat to dekho
tumheñ takiya banānā chāhtī hai

aate hī tere chal diye sab varna yaas kā
kaisā hujūm thā dil-e-hasrat-fazā ke saath

sāmne un ko paayā to ham kho ga.e aaj phir hasrat-e-guftugū rah ga.ī
un se kahnā thā rūdād-e-shām-e-alam dil kī dil hī meñ ye aarzū rah ga.ī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

us ke chehre se lapak uTThe to lau tham jaa.e
dil meñ hasrat hai darīcha vahī khultā dekhūñ

tabāhī ke mazoñ se bhī ga.e ab vā.e-mahrūmī
sameTūñgā kahāñ tak hasrat-e-barbād ke TukḌe

be-niyāz-e-fikr-e-manzil be-ḳhudī ne kar diyā
ab mire dāman pe dāġh-e-hasrat-e-manzil nahīñ

vaqt fursat de to mil baiTheñ kahīñ bāham do dam
ek muddat se diloñ meñ hasrat-e-tarfain hai

qarnoñ kī ḳhamoshī ko hasrat hai sail-e-bayāñ ban jaane kā
sadiyoñ kī udāsī ko zid hai ik nutq-e-javāñ ban jaane kā

kyā ġhazab hai nahīñ insān ko insān kī qadr
har farishte ko ye hasrat hai ki insāñ hotā

hogā bas ek nigah meñ jo tamām
vo ba-hasrat nigarāñ kyā hogā

itnī ham ko bhī dikhāte ho masīhā-nafasī
hasrat-e-murda ko aa aa ke jilā jaate ho

dil-e-be-tāb jiyūñ sīmāb-hasrat se taḌaptā hai
adā se jab lahaktā hegā motī us kī baalī kā

hasrat us kī jagah thī ḳhvābīda
'mīr' kā khol kar kafan dekhā

nazar dekhā kiye un kī hamesha
yahī hasrat rahī ham jaan khote

aañkh phir jaatī hai māshūqoñ kī māyūsoñ se
ġham-zada kuchh nahīñ hasrat kī nazar kuchh bhī nahīñ

hasrat hī dil meñ kohkan āḳhir ye le gayā
shīrīñ ne apnī āñkhoñ bhī dekhā na rū-e-shīr