Tags-Hasrat

taqsīr kyā hai hasrat-e-dīdār hī to hai
pādāsh us kī husn kā pindār hī to hai

balā se chuur kar do chuur kar do shīsha-e-dil ko
isī meñ qaid hasrat thī isī meñ band armāñ thā

akele ai buto ham bhī na so.e kunj-e-marqad meñ
jo is pahlū meñ hasrat thī to us pahlū meñ armāñ thā

charāġh-e-dil ne kī hasrat jo muskurāne kī
to khilkhilā ke hañsīñ āñdhiyāñ zamāne kī

hasrat-e-lazzat-e-āzār rahī jaatī hai
jāda-e-rāh-e-vafā juz dam-e-shamshīr nahīñ

hasrat ai zauq-e-ḳharābī ki vo tāqat na rahī
ishq-e-pur-arbada kī guuñ tan-e-ranjūr nahīñ

be-parī ne uḌā rakhā hai mujhe
hasrat-e-bāl-o-par nahīñ aatī

us kī hasrat hai jise dil se miTā bhī na sakūñ
DhūñDne us ko chalā huuñ jise pā bhī na sakūñ

sunā hāl-e-dil-e-'majrūh' shab ko
koī hasrat sī hasrat thī bayāñ meñ

go ġharīb-e-be-vatan huuñ ba.ad-e-murdan dekhnā
āh-o-zārī ko mirī turbat pe hasrat aa.egī

pas-e-dafn bhī na sukūñ milā tah-e-ḳhāk hasrat-e-ishq ko
kabhī sabza ban ke lahak uThī kabhī phuul ban ke mahak ga.ī

is qadar ābād ho jā.eñge log
hasrat-e-tāmīr hī miT jā.egī

jin kī hasrat meñ dil-e-rusvā ne ġham khaa.e bahut
sañg ham par in darīchoñ ne hī barsā.e bahut

apnī manzil kī jo hasrat karnā
ghar se chalne kī bhī himmat karnā

kab tak ye terī hasrat kab tak ye merī vahshat
in saarī bandishoñ se mujh ko kabhī rihā kar

aa jaao yahāñ luuT machī hai aao
dar-o-dīvār ko hasrat kī nazar dekhnā mat bhūlnā

kisī ko pā liyā tum ne to chhoḌ kar mujh ko
koī ilaaj to kar do mirī bhī hasrat kā

ik dil aur us pe hasrat-e-armāñ kā ye hujūm
kyā kyā karam haiñ mujh pe mire kard-gār ke

zahr-e-hasrat chashīdgān-e-firāq
haiñ muoñ meñ hazār jiite haiñ

hikāyat-e-ārzū hai nāzuk zabān kyā ḳhaak kah sakegī
lab-e-ḳhamosh-o-nigāh-e-hasrat se dil kī ham guftugū kareñge