Tags-Iltija

vasl kī iltijā pe bigḌe kyuuñ
sun ke chup ho raho savāl kā kyā

sab ġhalat-fahmiyāñ hī miT jātīñ
dil sazā-vār-e-iltijā na huā

ishq mānūs-e-iltijā na huā
husn āzurda-e-jafā na huā

bas ik nigāh-e-karam kā umīd-vār huuñ maiñ
jafā-shi.ār tujhe merī iltijā kī qasam

kohkan ko hai ḳhud-kushī ḳhvāhish
shāh-bāno se iltijā kiije

iltijā thī ek saada iltijā
apnī tanhā.ī meñ sochā kījiye

vo ik hameñ the jo sharminda-e-karam na hue
vo nañg-e-ishq the jo iltijā-pasand rahe

baiThe rahe vo ḳhūn-e-tamannā kiye hue
dekhā kiye unheñ nigah-e-iltijā se ham

rañg laa.ī nā āḳhir tark-e-nāz-bardārī
haath joḌ kar us ko mahv-e-iltijā paayā

mirī to hai baat zahr un ko vo un ke matlab hī kī na kyuuñ ho
ki un se jo iltijā se kahnā ġhazab hai un ko vahī na karnā

chalī jo āñdhī to har kalī ne jhukā ke sar ko ye iltijā kī
chaman ke mālik hamāre ruḳh se abhī na rañg-e-shabāb utre

be-niyāzī ḳhud sarāpā iltijā ban jā.egī
aap apnī dāstāñ meñ husn to paidā kareñ

hue mujh se jis ghaḌī tum judā tumheñ yaad ho ki na yaad ho
mirī har nazar thī ik iltijā tumheñ yaad ho ki na yaad ho

qubūl is bārgah meñ iltijā koī nahīñ hotī
ilāhī yā mujhī ko iltijā karnā nahīñ aatā

use pukār chukā zindagī meñ haar chukā
mirā ḳhudā thā to phir merī iltijā suntā

shikasta sāz-e-mohabbat kī ik sadā huuñ maiñ
jo rah ga.ī hai laraz kar vo iltijā huuñ maiñ

alag tū bazm se uTh kar jo sun letā to kah dete
ki kuchh kuchh iltijā ai zeb-e-mahfil ham bhī rakhte the

āshiqī meñ ḳhāmushī mumkin hai nā-mumkin nahīñ
kyā karūñ mujh se to zabt-e-iltijā mumkin nahīñ

udāsiyoñ se bharī huī iltijā sunī thī
kisī nagar meñ koī kisī ko pukārtā thā

din-Dhale hogā jashn-e-tanhā.ī
iltijā hai ġhamoñ se shirkat kī