Tags-Iltija

sitam-hā-e-farāvāñ chāhtā huuñ
karam kī aarzū kyā iltijā kyā

nizām-e-āshiqī qaa.em hai un kī be-niyāzī se
kisī kī iltijā manzūr ho jaa.e to kyā hogā

duā se kuchh na huā iltijā se kuchh na huā
butoñ ke ishq meñ yād-e-ḳhudā se kuchh na havā

kaun suntā hai is zamāne meñ
kis se kahiye ki iltijā kyā hai

baat kyuuñ kho.eñ iltijā kar ke
tum se ummīd-e-iltifāt nahīñ

na fikr karnā hamāre dil kī na us junūñ kā malāl rakhnā
ye iltijā hai hamārī tum se tum apne dil ko sambhāl rakhnā

na jaane ḳhalq-e-ḳhudā kaun se azaab meñ hai
havā.eñ chīḳh paḌīñ iltijā ke lahje meñ

kaafī ik lafz hai huzūr-e-ḳhudā
ye shab-o-roz iltijā kiyā hai

is jafā par tumheñ tamannā hai
ki mirī iltijā kare koī

māñgī na hogī ḳhizr ne yuuñ umr-e-jāvedāñ
kyā apnī maut māñgte haiñ iltijā se ham

mujhe dost kahne vaale zarā dostī nibhā de
ye mutālba hai haq kā koī iltijā nahīñ hai

bhiik meñ vo haath uTTheñ iltijā ke vāste
jin ko qudarat ne banāyā ho hinā ke vāste

husn dikhlā degā ai but tujh meñ shaan allāh kī
tere aage aalam apnī iltijā jā.egā

haath kashkol kī tarah paa.e
lab mile ham ko iltijā jaise

bujhtī mash.al kī iltijā jaise
log ham ko mile havā jaise

na uThī jab jhukī jabīn-e-niyāz
kis tarah iltijā kare koī

husn ḳhud ho gayā ġharīb-navāz
ishq muhtāj-e-iltejā na rahā

ishq jab shikva sanj-e-husn huā
iltijā ho ga.ī gila na rahā

maiñ kis se iltijā karūñ kahāñ se ibtidā karūñ
duā ahal rahī nahīñ gila badal nahīñ rahā

kabhū kaam apnā kisī se na niklā
bahut ḳhalq kī iltijā kar chuke ham