Tags-Jawani

kisī kā ġhamza sharāboñ se chuur qaus-e-quzah
adā ġhurūr javānī surūr ishva-garī

ḳhuun hai jis kī javānī kā bahār-e-rozgār
jis ke ashkoñ par farāġhat ke tabassum kā madār

maarā zamāne ne asadullāh ḳhaañ tumheñ
vo valvale kahāñ vo javānī kidhar ga.ī

gul-bār ridā-e-āzādī sarshār javānī kā parcham
ye amn ke naġhmoñ kā mutrib ḳhāmosh baġhāvat kā ye alam

ho ga.ī nazr-e-vatan hastī-e-fānī terī
na to piirī rahī terī na javānī terī

dil ke kuchh dāġh-e-mohabbat haiñ nishānī un kī
bachpanā dekh ke dekhī na javānī un kī

kyā kahūñ rañg-e-javānī meñ jo is raag ke the
bāġhbāñ ho ga.e gulchīñ jo mere baaġh ke the

bū-e-naḳhvat se nahīñ yaañ ke guloñ ko sarokār
hai buzurgoñ kā adab in kī javānī kā siñgār

agar taḳh.īl-e-sarsayyad hai ab guldasta-e-māzī
javānī kī umañgoñ ko na.ī añgḌā.iyāñ de de

'qalaq' har vaqt ab hai sāmnā taklīf-e-pīrī kā
javānī luuT kar sab le ga.ī asbāb rāhat kā

na dekhā muḌ ke bhī phir ahd-e-pīrī meñ javānī ne
abas mazkūr karte ho tum aise be-muravvat kā

javānī ne diye haiñ un ko lā kar ham-nashīñ kyā kyā
adā meñ naaz chitvan meñ hayā āñkhoñ meñ mastī hai

nasl qaumiyyat kalīsā saltanat tahzīb-o-rañg
rauñd chuktī hai jab in sab ko javānī kī umañg

kyā bāda-e-javānī mard-āzamāñ nasha thā
ab ai 'qalaq' vabāl-e-ḳhvāb-o-ḳhumār haiñ ham

sharāb-e-husn ko kuchh aur hī tāsīr detā hai
javānī ke numū se be-ḳhabar honā laḌakpan meñ

ḳhayāl meñ ik na ik maze kī na.ī kahānī hai aur ham haiñ
abhī tamannā hai aur dil hai abhī javānī hai aur ham haiñ

abhī se tauba abhī se taqvā abhī se kyā fikr-e-dīn-o-uqbā
na.ī umañgeñ na.ī tarañgeñ na.ī javānī hai aur ham haiñ

ye ishq par husn kī ināyat ye husn se ishq kī irādat
hamārī hasrat hai aur tū hai tirī javānī hai aur ham haiñ

pyārī kā haath apnī baġhal meñ liye hue
āñkheñ sharāb-e-husn-e-javānī piye hue