Tags-Khizan

hosh uḌeñge jo zamāne kī havā bigḌegī
chaar hī din meñ ḳhizāñ gulshan-e-hastī hogā

taġhayyurāt se kab rabt-e-gulsitāñ na rahā
bahār aa.ī to kyā ḳhatra-e-ḳhizāñ na rahā

havā palaTte hī har zaḳhm ho gayā taaza
bahār-e-ishq ko andesha-e-ḳhizāñ na rahā

dast-e-ḳhizāñ thā ḳhāna-bar-andāz jis ghaḌī
kyuuñ guñg the chaman ke parastār bolte

ḳhizāñ ke daaġh miTe kab guloñ ke dāman se
tujhe bhī dekh liyā mausam-e-numū ham ne

mujhe ḳhizāñ ke bagūle salām karte haiñ
hayā-farosh chanāroñ se khel saktā huuñ

afsurdagī bhī ruḳh pe hai un ke nikhār bhī
hai aaj gulsitāñ meñ ḳhizāñ bhī bahār bhī

ḳhizāñ ke jaur-e-musalsal pe be-qarār na ho
bahār dekh magar ḳhūgar-e-bahār na ho

nazar bahār na dekhe to be-qarār na ho
ḳhizāñ sukūn se guzre agar bahār na ho

mirā shu.ūr-e-bahārāñ ḳhizāñ pe ġhash ho 'sahāb'
agar vo naqs-e-bahārāñ kī yādgār na ho

kaho bahāroñ se ab shāḳh-e-dil na hogī harī
ḳhizāñ ke giit sunāo ki ġham kī raat kaTe

tābinda husn-e-rāz-e-bahārāñ hamīñ se hai
nazm-e-ḳhizāñ jo hai to hirāsāñ hamīñ se hai

agar ye mausam-e-gul hai to zard-rū kyuuñ hai
dil-o-nazar pe ye kaifiyyat-e-ḳhizāñ kaisī

vo gore gore chehroñ pe zulfeñ idhar udhar
aḳhtar se vo chamakte hue kaan ke guhar

chob-e-sahrā bhī vahāñ rashk-e-samar kahlā.e
ham ḳhizāñ-baḳht shajar ho ke hajar kahlā.e

fikr-e-tāmīr-e-āshiyāñ bhī hai
ḳhauf-e-be-mehri-e-ḳhizāñ bhī hai

ḳhizāñ-nasīb sahī aaj shāḳh-sār-e-hayāt
havā kā aanā kabhī sehn-e-dil meñ sa.ad bhī thā

ye hai shaam mausam-e-dard kī ye hai sub.h chehra-e-zard kī
hai bahār par ġham-e-zindagī koī dil-ḳhizāñ ho to le ke aa

ham se ḳhizāñ-nasīb qafas meñ bhī shaad haiñ
laa.ī jo bū-e-gul ye ināyat sabā kī hai