Tags-Khizan

dil mirā aaj yaar meñ hai gā
kis ḳhizāñ meñ bahār meñ hai gā

maiñ to aayā thā 'baqā' baaġh meñ sun josh-e-bahār
par ye hañgām-e-ḳhizāñ thā mujhe ma.alūm na thā

saa.e majbūr haiñ peḌoñ se utarne ke liye
kyuuñ ḳhizāñ kahtī hai pattoñ se bikharne ke liye

bikhartī hai vahī akasr ḳhizāñ-parvar bahāroñ meñ
chaman meñ jo kalī pahle se murjhā.ī bhī hotī hai

chaar sū intishār hai kyā hai
ye ḳhizāñ hai bahār hai kyā hai

aafat ga.ī ḳhizāñ kī
qismat phirī jahāñ kī

ham ne mahfūz kiyā husn-e-bahār
itr-e-gul sarf-e-ḳhizāñ thā pahle

bahār ḳhāk-ba-damāñ hai pastiyoñ meñ abhī
chaman agarche umīdoñ kā hai ḳhizāñ se buland

ki is se pahle ḳhizāñ kā shikār ho jā.ūñ
sajā luuñ ḳhud ko mukammal bahār ho jā.ūñ

phir bhī kahlā.ūñgā āvāra-e-gesū-e-bahār
maiñ tirā dām-e-ḳhizāñ laakh giraftār sahī

ḳhizāñ meñ DhūñDte ho ḳhushbueñ tum
kabhī khiltī hai shab meñ bhī kalī kyā

pahle bhī ḳhizāñ meñ baaġh ujḌe par yuuñ nahīñ jaise ab ke baras
saare buuTe patta patta ravish ravish barbād hue

jaa.e bahār aa.e ḳhizāñ is kā taraddud kuchh nahīñ
haiñ lāla-o-gul se sivā mujh ko chaman ke ḳhār-o-ḳhas

le ga.ī kyā de ga.ī mujh ko ḳhizāñ
chaar tinke āshiyāne ke liye

in ḳhizāñ-āshnā āñkhoñ se ba-rañg-e-fitrat
kaif-e-hañgām-e-bahārāñ nahīñ dekhā jaatā

jism kāñToñ se guzartā hai guzar jaane do
ruuh vo phuul hai jis par na ḳhizāñ aa.egī

bahār-e-lāla-o-gul se ḳhizāñ kī aahaT tak
har ek vāqi.a mausam ne chashm-dīd kahā

qafas ke ba.ad chaman meñ ye dekhnā hai mujhe
ḳhizāñ mile ki vahāñ mausam-e-bahār mile

ye navāzisheñ tirī bāġhbāñ ki kahīñ kā maiñ nahīñ rah gayā
na vo rañj-e-daur-e-ḳhizāñ rahā na vo fasl-e-gul kī ḳhushī rahī

zard kaliyāñ khulī haiñ shāḳhoñ par
hai ḳhizāñ yā bahār tauba hai