Tags-Khizan

na uḌā bāġhbāñ ki gulshan-e-dil
aur haiñ āmad-e-ḳhizāñ tak ham

chaman chaman se ukhaḌ kar rahegā pā-e-ḳhizāñ
ravish ravish ko jatā de shajar shajar se kah

aaj phir un kī aamad aamad hai
ham ḳhizāñ ko bahār kar baiThe

chaman kī ḳhizāñ par na aañsū bahāo
nazar hai to kal kī bahāroñ ko dekho

us roz mausam-e-ḳhizāñ kī pahlī bārish huī
jab us ne mere dar se āḳhirī baar qadam nikālā

tujh se sadā-bahār ko andesha-e-ḳhizāñ
puurā na ho ḳhudā kare terā kahā huā

usī ko kahte haiñ shāyad nasīb kī gardish
bahār aa.e to sho.ala ḳhizāñ ke saath chale

kin rutoñ kī aarzū shādāb rakhtī hai inheñ
ye ḳhizāñ kī shaam aur zaḳhmoñ ke ban mahke hue

zamīr-e-fitrat meñ pur-fishāñ hai chaman kī tartīb-e-nau kā armāñ
ḳhizāñ jise to samajh rahā hai vo dar-haqīqat ḳhizāñ nahīñ hai

ḳhizāñ milī abhī tak kahīñ bahār mile
safar meñ pyaar kā mausam to bā-vaqār mile

yuuñ to taz.īn-e-gul-o-ġhuncha meñ shāmil haiñ sabhī
haa.e vo rañg jo ab harf-e-ḳhizāñ bhī hoñge

sunā rahe haiñ vo yuuñ e'tibār ke qisse
ḳhizāñ ke daur meñ jaise bahār ke qisse

ye bahār hovegī sab ḳhizāñ na saman na laala na arġhavāñ
dam-e-garm kī mire dostāñ kabhū baaġh meñ jo havā ga.ī

sau tarah kī bahār hai sau rañg kī ḳhizāñ
is dil kī vus.atoñ meñ kahīñ kho na jaa.eñ ham

idhar hai bād-e-sumūm nālāñ udhar hai barq-e-tapāñ bhī aajiz
mirī bahāroñ se ho ga.ī ab harām-zādī ḳhizāñ bhī aajiz

vo mile haiñ magar malūl haiñ ham
jo ḳhizāñ meñ khile vo phuul haiñ ham

apnā lahū hī rañg hai apnī tapish hī bū
ho fasl-e-gul ki daur-e-ḳhizāñ bolte raho

ahd-e-ḳhizāñ bahār kī rut naam haiñ faqat
kyā baat kah ga.ī hai nasīm-e-sahar mujhe

dhāvā bolegā bahut jald ḳhizāñ kā lashkar
shāḳh ko neza karūñ phuul ko talvār karūñ

ḳhizāñ ke zahr kā tiryāk agar nahīñ yaaro
guloñ kī baat hai be-vaqt rāgnī kī tarah