Tags-Khizan

bahār aa.e to ḳhud hī laala o nargis batā deñge
ḳhizāñ ke daur meñ dilkash gulistānoñ pe kyā guzrī

kahīñ pe ḳhushiyoñ kī bārisheñ haiñ kahīñ pe naġhmāt-e-aish-o-mastī
magar ġharīboñ ke gulshanoñ se ḳhizāñ hī baḌh kar lipaT rahī hai

mujhe kis tarah se na ho yaqīñ ki use ḳhizāñ se gurez hai
jo nasīm-e-sub.h-e-bahār ko mire gulsitāñ se gurez hai

ḳhizāñ meñ bhī mirā nashsha utar nahīñ saktā
ki ye hai josh-e-junūñ koī josh-e-bāda nahīñ

ḳhizāñ ke haath se rone kī jā hai ḳhanda-e-gul
bisūrtī hai ye hañstī nahīñ kalī afsos

le ke chale the narmiyāñ ghar se guloñ kī sub.h ko
barg-e-ḳhizāñ the shaam jab lauT ke apne ghar ga.e

guloñ ko sahn-e-chaman meñ qarār kyā hogā
ḳhizāñ ke daur meñ shukr-e-bahār kyā hogā

miT ga.ī dil ke na hone se vo dāġhoñ kī bahār
ai 'nazar' vaqt-e-ḳhizāñ ham ko chaman yaad aayā

ye taaza taaza qafas kyā ḳhizāñ se kuchh kam haiñ
hujūm-e-gul hī se andāza-e-bahār na kar

ḳhizāñ riyāz-e-chaman hai ḳhizāñ gudāz-e-chaman
ḳhizāñ kā Dar ho to phir ḳhvāhish-e-bahār na kar

gul se kyā muḳhtalit huuñ ai bulbul
mujh ko vo āfat-e-ḳhizāñ hai yaad

zauq-e-bahār hī hai na ḳhauf-e-ḳhizāñ mujhe
gum-sum hai apne haal meñ tab-e-ravāñ kahāñ

gul-e-dāġh-e-dil aah se kyuuñ na murjhā.e
ujāḌe chaman ye ḳhizāñ kaise kaise

ḳhizāñ ke dam se miTā ḳhūb-o-zisht kā jhagḌā
chalo ye ḳhvāb huā gal rahe na ḳhaar rahe

mujh ko hai junūñ zamzama-e-barg-e-ḳhizāñ kā
patjhaḌ ke liye gosh-bar-āvāz rahūñ maiñ

pāmāl ho ke rah ga.e jashn-e-bahār meñ
ye fikr thī chaman pe ḳhizāñ kā na bas chale

hai sohbat kā pareshānoñ ke ye rañg
havā se hoveñ jo barg-e-ḳhizāñ jam.a

shab-e-siyāh-e-ḳhizāñ ke sumūm-o-sar-sar tak
nigār-ḳhāna-e-shub.h-o-sabā se aayā huuñ

ḳhizāñ jab aa.e to āñkhoñ meñ ḳhaak Dāltā huuñ
hare daraḳhtoñ ko be-barg kis tarah dekhūñ

vo mausam-e-ḳhizāñ kī thakan hī meñ jal ga.e
bāhar khile jo phuul tire sā.ebān se