Tags-Khizan

suniye ḳhizāñ se kyā kahtī hai
gul gulshan gulfām safar

daur-e-ḳhizāñ meñ bhī tirī kaliyāñ khilī raheñ
tā-hashr ye hasīn fazā.eñ basī raheñ

gulistāñ hai na āshiyāñ apnā
kar chukī kaam ab ḳhizāñ apnā

aah gulgūn-e-bahār-e-gulshan dehlī ko 'aish'
mauja-e-bād-e-ḳhizāñ kyā tāziyāna ho gayā

lāla-o-gul ko bachā letā ḳhizāñ se ai 'sharaf'
baaġh meñ jis vaqt nāzil ye balā thī maiñ na thā

kabhī sayyād kā khaTkā hai kabhī ḳhauf-e-ḳhizāñ
bulbul ab jaan hathelī pe liye baiThī hai

tab jā ke lagā pāoge dil apnā ḳhizāñ se
pahle to is ummīd-e-bahārāñ ko nikālo

nigāhoñ ko ḳhizāñ-nā-āshnā banñā to aa jaa.e
chaman jab tak chaman hai jalva-sāmānī nahīñ jaatī

shaguft-e-jāñ ke liye khīñch rañj-e-mahrūmī
bahār ke sabhī mausam ḳhizāñ meñ rahte haiñ

ḳhizāñ kī mahfil meñ
rañg-o-bū ke muzākre kī

fazā-e-sehn-e-gulstāñ hai sogvār abhī
ḳhizāñ kī qaid meñ hai yūsuf-e-bahār abhī

fasl-e-ḳhizāñ meñ lutf-e-bahārāñ
barg-e-saman kuchh is se ziyāda

kitne hī peḌ ḳhauf-e-ḳhizāñ se ujaḌ ga.e
kuchh barg-e-sabz vaqt se pahle hī jhaḌ ga.e

ye dhuup chhāñv kā khel hai yā ḳhizāñ bahāroñ kī ghaat meñ hai
nasīb sub.h-e-urūj ho to nazar meñ shām-e-zavāl rakhnā

itnā ḳhizāñ kare hai kab zard rañg par yaañ
tū bhī kaso nigah se ai gul judā rahā hai

maiñ huuñ us ujḌe hue baaġh meñ be-rut kī kalī
jis kī har saañs hai tauhīn-e-ḳhizāñ maiñ hī huuñ

ḳhizāñ kī raat meñ kumhlā ke phuul girte haiñ
to jaag jaatī hai soī huī zamīn-e-chaman

le ke paiġhām-e-ḳhizāñ aayā hai mere dar pe
vo jo kahtā thā ki āñgan meñ sanobar hogā

ḳhizāñ kā bhes banā kar bahār ne maarā
mujhe do-rañgī-e-lail-o-nahār ne maarā

nazar meñ zindagī kī phuul mo'atabar na ho sake
ḳhizāñ ko e'tirāz thā bahār se visāl par