Tags-Khizan

zevar zavāl-e-husn meñ pahnā to kyā bahār
patte sunahre sūrat-e-barg-e-ḳhizāñ ḳharāb

maiñ ḳhizāñ-dīda shajar kī tarah gumnām sā thā
mujh ko vaq.at tirī tasvīr banāne se milī

ḳhūbāñ kī ḳhūbī hai ḳhizāñ terī bahār aañge sadā
āshiq kuuñ ai gulfām tujh ruḳhsār kī saugand hai

har vaqt ḳhizāñ ke jhoñkoñ se Darte rahte ham bhī 'manzar'
siine meñ kabhī armānoñ kā ġhuncha na khilā achchhā hī huā

vo jis kī lai pe laraztā hai barg barg badan
us ek rañg se naqsh-e-ḳhizāñ banāte haiñ

gul bantī hai shāyad ḳhāk-e-vatan shāyad ki safar kartī hai ḳhizāñ
ḳhushbu-e-bahārāñ miltī hai kuchh din se havā-e-zindāñ meñ

daur-e-ḳhizāñ meñ dil ke bahalne kā hai sabab
āñkhoñ meñ merī qaid nazāra bahār kā

us pe to fasl-e-ḳhizāñ maar chukī hai shab-ḳhūñ
mausam-e-gul ke guzar jaane kā khaTkā kaisā

har vaqt gulistāñ pe ḳhizāñ kī haiñ nigāheñ
khulte hue phūloñ kā bharosā bhī nahīñ hai

ahl-e-ġham aao zarā sair-e-gulistāñ kar leñ
gar ḳhizāñ hai to chalo shaġhl-e-bahārāñ kar leñ

maġhrūr na ho fazl-e-ḳhizāñ aa ke chaman meñ
aise bhī haiñ kuchh phuul jo murjhā nahīñ sakte

ye ḳhizāñ peḌoñ se patte dil se ḳhushiyāñ le ga.ī
zor kuchh bhī chal na paayā mausam-e-saffāk par

havā-e-shauq vo din kis ḳhizāñ ke saath ga.e
tamām umr huī intizār-e-fardā hai

maiñ in hasīn nazāroñ ke paas aa na sakā
ḳhizāñ-nasīb bahāroñ ke paas aa na sakā

āñkheñ karoge band to uTTheñgī uñgliyāñ
daur-e-bahār ho ki ḳhizāñ dekhte raho

ḳhizāñ meñ barg-e-gul aur ḳhār-o-ḳhas nahiñ sehn-e-gulshan meñ
paḌe haiñ laḳht-e-dil aur TuuTe naale andalīboñ ke

kyā kaheñ kis ne bahāroñ ko ḳhizāñ-sāmāñ kiyā
dekhne meñ to sabhī gul-posh haiñ yāroñ ke biich

aatī hai ḳhizāñ ab ruḳhsat kar zinda jo rahe phir ā.eñge
ham se to na dekhī jā.egī maalī pāmālī phūloñ kī

bahār-e-gul meñ qadam qadam par shu.ūr-e-kāmil kī hai zarūrat
bahār un ke liye ḳhizāñ hai jo ye na samjhe bahār kyā hai

ye bahāreñ aur gul buuTe niDhāl
fasl-e-gul daur-e-ḳhizāñ hone ko hai