Tags-Khizan

ḳhizāñ kā daur hai magar vo is adā se aa.e haiñ
bahār 'darshan'-e-hazīñ kī zindagī pe chhā ga.ī

har ek shāḳh ke hāthoñ meñ phuul mahkeñge
ḳhizāñ kā peḌ bhī kapḌe badalnā chāhtā hai

nām-e-bad-baḳhti-e-ushshāq-e-ḳhizāñ hai bulbul
tū agar nikle chaman se to bahār aa jaa.e

ḳhizāñ mausam nahīñ hai
ek lamha hai ki jis kī aarzū meñ

ham se pūchho chaman pe kyā guzrī
ham guzar kar ḳhizāñ se aa.e haiñ

nasheman apnā uThā na yaañ se ḳhizāñ jo aa.ī to aa.ī bulbul
bahār ruḳhsat abhī huī hai guloñ kī bū bhī nahīñ ga.ī hai

ḳhizāñ kī rut meñ gulāb lahja banā ke rakhnā kamāl ye hai
havā kī zad pe diyā jalānā jalā ke rakhnā kamāl ye hai

ḳhizāñ bulā.e magar roke haiñ bahār mujhe
maiñ Thahrī rut huuñ kabhī aa ke tū guzār mujhe

ḳhabt hai ai ham-nashīñ aql-e-harīfān-e-bahār
hai ḳhizāñ in kī inheñ ā.īna dikhlā.e hue

ḳhizāñ kī zard havā.eñ tirī talāsh meñ haiñ
chaman se ruuTh daraḳhtoñ kī Tahniyoñ se na ruuTh

kal ḳhizāñ meñ dīvāne be-niyāz-e-dāman the
fikr-e-pairahan ab hai jab bahār aa.ī hai

husn-e-bahār mujh ko mukammal nahīñ lagā
maiñ ne tarāsh lī hai ḳhizāñ apne haath se

ḳhizāñ ke sunahrī fareboñ meñ aa kar
hayā kā muqaddas chaman luT rahā hai

bahār par bhī ḳhizāñ hī kā rañg ġhālib hai
havā zamāne kī gulshan ko sāzgār nahīñ

na nashāt-e-visāl na hijr kā ġham na ḳhayāl-e-bahār na ḳhauf-e-ḳhizāñ
na saqar kā ḳhatar hai na shauq-e-iram na sitam se hazar na karam se ġharaz

maiñ kis kā naam na luuñ aur naam luuñ kis kā
hazāroñ phuul khile the ḳhizāñ ke hote hue

āvāra aaj sūrat-e-barg-e-ḳhizāñ mile
miltī thī jin se bād-e-sabā bā-adab kabhī

inqilāb-e-dahr ne āñkhoñ ko andhā kar diyā
āḳhir ab nazzāra-e-fasl-e-ḳhizāñ kyuuñ kar kareñ

mirī zindagī pe na muskurā mujhe zindagī kā alam nahīñ
jise tere ġham se ho vāsta vo ḳhizāñ bahār se kam nahīñ

shāḳh-e-buland-e-bām se ik din utar ke dekh
ambār-e-barg-o-bār-e-ḳhizāñ meñ bikhar ke dekh