Tags-Khuda

nāla-e-shab hai nā-rasā āh-e-sahar hai be-asar
merā ḳhudā kahāñ gayā mere ḳhudā ko kyā huā

ye jo insāñ ḳhudā kā hai shahkār
is kī qismat pe hai ḳhudā kī maar

ḳhudā kare mire kirdār ko nazar na lage
kisī sazā se nahīñ maiñ ḳhatā se Dar jā.ūñ

kaun batlā.e use apnā yaqīñ hai ki nahīñ
vo jise ham ne ḳhudā apnā banāyā huā hai

bahut ayyār the vo log
vo saarā din ḳhudā ko yaad karte

ye hai be-gunāhī kā mājrā koī yūñhī mujh se khiñchā rahā
yahī soch soch ke rah gayā ki mire ḳhudā ko ḳhabar bhī hai

fasāna-e-ishq muḳhtasar hai qasam ḳhudā kī na bor honā
'firāq-gorakhpurī' kī ġhazleñ nahīñ maiñ tum ko sunā rahā huuñ

bahut hai sīdhī sī baat merī na jaane tum kyuuñ nahīñ samajhtīñ
qasam ḳhudā kī kalām-e-'ġhālib' nahīñ maiñ tum ko sunā rahā huuñ

ham pe to pahle hī zāhir thā ma.āl-e-bandagī
pūjne jāoge jis but ko ḳhudā ho jā.egā

kafan pinhā diyā 'sāqib' sanam-parastī ne
ḳhudā ke sāmne jaate hue hijāb aayā

girafta-dil haiñ bahut aaj tere dīvāne
ḳhudā kare koī tere sivā na pahchāne

tumhāre ba.ad ḳhudā jaane kyā huā dil ko
kisī se rabt baḌhāne kā hausla na huā

nahīñ ma.alūm pā.eñge sukūñ ahl-e-jahāñ kab tak
ḳhudā jaane rahegā is zamīñ par āsmāñ kab tak

dil-e-māyūs meñ kuchh ḳhār-e-hasrat se khaTakte haiñ
ḳhudā jaane raheñgī raakh meñ chiñgāriyāñ kab tak

yaad terī yaad hai nām-e-ḳhudā
varna ham kyā aur hamārī yaad kyā

Dar ḳhudā siiñ ḳhuub na.iiñ ye vaqt-e-qatl-e-ām kuuñ
sub.h kuuñ kholā na kar is zulf-e-ḳhūn-āshām kuuñ

mahshar nisār us nigah-e-sharmsār par
kahnā paḌā ḳhudā se ye qātil mirā nahīñ

us kī nahīñ ḳhudā.ī ki us kā ḳhudā nahīñ
tum jis ko mil ga.e use phir kyā milā nahīñ

partav-e-mehr meñ ḳhudā jaane
rū-e-sad-sho.ala-bār kis kā hai

bhuul kar ḳhud ko ḳhudā kī yaad meñ hote haiñ mahv
nāḳhudā ko bhī bhañvar meñ bā-ḳhudā paate haiñ log