Tags-Khuda

na ḳhudā hī milā na visāl-e-sanam na idhar ke hue na udhar ke hue
rahe dil meñ hamāre ye rañj-o-alam na idhar ke hue na udhar ke hue

uTho ki jashn-e-ḳhizāñ ham manā.eñ jī bhar ke
bahār aa.e gulistāñ meñ kab ḳhudā jaane

bahut se aur bhī ghar haiñ ḳhudā kī bastī meñ
faqīr kab se khaḌā hai javāb de jaao

vahāñ pahuñch ke ye kahnā sabā salām ke baad
ki tere naam kī raT hai ḳhudā ke naam ke baad

mujh ko ḳhudā se āshnā koī bhalā karegā kyā
maiñ to sanam-parast huuñ merā koī ḳhudā nahīñ

ishq kī shaan marhabā ishq hai sunnat-e-ḳhudā
ishq meñ jo bhī miT gayā us ko kabhī 'fanā' nahīñ

koī to raah sujhā duur tak añdherā hai
kahāñ hai mere ḳhudā duur tak añdherā hai

ai ḳhudā kar de shab ko aur siyāh
hai ġharīboñ kā ye libās abhī

mire ḳhudā mujhe vo tāb-e-nai-navā.ī de
maiñ chup rahūñ bhī to naġhma mirā sunā.ī de

bande kā aur ḳhudā kā ta.alluq hī miT chukā
patthar huī zabān munājāt kaise ho

ḳhudā-vand! merī sazā tū kisī aur ko de
ki maiñ ne yahāñ

magar maiñ ḳhudā se kahūñgā

dikhā.ī kyuuñ nahīñ detā kisī ko
ḳhudā kī khoj meñ nikle sabhī haiñ

ai sāilkān-e-jāda-e-irfāñ baḌhe chalo
but-ḳhāna mil gayā to ḳhudā-ḳhāna mil gayā

muddat se lāpata hai ḳhudā jaane kyā huā
phirtā thā ek shaḳhs tumheñ pūchhtā huā

har ek daur kā maz.hab nayā ḳhudā laayā
kareñ to ham bhī magar kis ḳhudā kī baat kareñ

sazā kā haal sunā.eñ jazā kī baat kareñ
ḳhudā milā ho jinheñ vo ḳhudā kī baat kareñ

jabr jo ḳhair se uljhā samjhā
illā ḳhudā thā banā lā patthar

toḌ ga.e jo ka.aba-e-dil
bande ḳhaas ḳhudā ke the

ishq-o-talab kī raah meñ bād-e-havas bhī tez thī
maiñ ne jalāyā rāt-bhar kar ke ḳhudā ḳhudā charāġh