Tags-Khuda

ḳhudā rakkhe javānī aa ga.ī hai
gunah bāñkā-sajīlā ho gayā hai

ḳhudā nasīb kare tum ko be-gharī kā mazāq
hisār-e-shuq-e-dar-o-bām se nikal jaao

ḳhudā kare ki ye miTTī bikhar bhī jaa.e ab
chaḌhā huā hai jo dariyā utar bhī jaa.e ab

tumhāre dekhne ke vāste marte haiñ ham khal siiñ
ḳhudā ke vāste ham siiñ milo aa kar kisī chhal siiñ

suufī kā ḳhudā aur thā shā.er kā ḳhudā aur
tum saath rahe ho to karāmāt rahī hai

josh-e-takmīl-e-tamannā hai ḳhudā ḳhair kare
ḳhaak hone kā andesha hai ḳhudā ḳhair kare

kashtī-e-zīst hai girdāb-e-balā meñ 'sā.ib'
āj-kal nām-e-ḳhudā vird-e-zabāñ rahtā hai

jaate kidhar ho tum saf-e-mehshar meñ ḳhair hai
dāman na ho ḳhudā ke liye dhajjiyāñ kahīñ

mire ḳhudā izn ho ki mohr-e-sukūt toḌeñ
mire ḳhudā ab tire tamāshā.ī thak chuke haiñ

ab to khul khele vo 'beḳhud' se ḳhudā ḳhair kare
ab to ḳhud bhar ke use jaam diye jaate haiñ

havā-e-tund ḳhudā ke liye na chheḌ mujhe
ġhubār-e-rāh banā huuñ maiñ kārvāñ ke liye

ḳhudā ke vāste rahne de apne dar pe use
banā hai sañg ye dil tere āstāñ ke liye

ai ḳhudā koī aisā bhī hai mojaza
jo ki mujh par kare āshkārā mujhe

ḳhudā mire dil-e-pur-ḳhūñ ko dāġh-dār kare
jo lāla-zār mirī ḳhaak se bahār kare

murād-e-dil hai yahī ārzu-e-dil hai yahī
ḳhudā mujhe tirī ulfat se ishtihār kare

ḳhudā na laa.e vo din ki terī sunahrī nīndoñ meñ farq aa.e
mujhe to yuuñ apne hijr meñ umr bhar ko bezār-e-ḳhvāb kar de

qasd thā 'bahr' kā but-ḳhāne se ka.abe kī taraf
lā-ubālī hai ḳhudā jaane gayā yā na gayā

fānūs ban ke jis kī hifāzat havā kare
vo sham.a kyā bujhe jise raushan ḳhudā kare

vo ālamgīr jalva aur husn-e-mustarak terā
ḳhudā jaane in āñkhoñ ko huā kis kis pe shak terā

nishān-e-mehr hai har zarra zarf-e-mehr nahīñ
ḳhudā kahāñ na milā aur kahīñ ḳhudā na milā