Tags-Khuda

biphrī lahroñ pe chhoḌ dī kashtī
kyā kiyā tū ne nā-ḳhudā kuchh soch

tasvīr-e-yār mujh ko tasavvur banā chukā
par shukr hai ḳhudā kā pareshāñ nahīñ rahā

yād-e-ḳhudā hī ka.aba-e-dil meñ basā.iye
ab ek but bhī dushman-e-īmāñ nahīñ rahā

jab juzv kī sifāt meñ kul kī sifāt haiñ
phir vo bashar hī kyā jo ḳhudā bhī na ho sake

dekheñ kahtā hai ḳhudā hashr ke din
tum ko kyā ġhair ko kyā ham ko kyā

tasavvur bhuul jaatā hai ḳhudā ko
ye Takrāyā hai jab āh-o-fuġhāñ se

saudā-garī nahīñ ye ibādat ḳhudā kī hai
ai be-ḳhabar jazā kī tamannā bhī chhoḌ de

kī supurd-e-dar-e-but-ḳhāna ajal ne mirī ḳhaak
kis ko sauñpā mujhe zālim ne ḳhudā ke badle

tamām sat.heñ ulaT rahī haiñ hayāt kī maut kī ḳhudā kī
jo tere dil se ubhar ke aate haiñ aise sailāb ham hue haiñ

ajal se baḌh ke muhāfiz nahīñ koī apnā
ḳhudā kī shaan ki dushman nigāh-bāñ niklā

tū 'ādarsh' apnā banā le ḳhudā ko
to dushman bhī terā taraf-dār hogā

aaj insān ḳhudā ḳhud ko samajh baiThā hai
is ko insān banāo to koī baat bane

aaj pī lene de saaqī mujhe jī lene de
kal mirī raat ḳhudā jaane kahāñ guzregī

maiñ apnī maut ko ab zindagī samajhtā huuñ
maiñ kyuuñ samajhtā huuñ merā ḳhudā samajhtā hai

qadam qadam pe huā imtihān-e-hosh-o-ḳhirad
ḳhudā kā shukr ki dāman bachā ke ham guzre

jahāñ-dār jitnī bhī sāzish karegā
ḳhudā ham pe rahmat kī bārish karegā

aise bohtān lagā.e ki ḳhudā yaad aayā
but ne ghabrā ke kahā mujh se ki qur.ān uThā

har ik nazzāra sau pardoñ meñ pinhāñ hai jahāñ maiñ huuñ
ḳhudā jaane kahāñ kal bazm-e-imkāñ hai jahāñ maiñ huuñ

pesh-e-nazar jahāñ ke rahī rahmat-e-ḳhudā
ham barhamī-e-husn-e-butāñ dekhte rahe

ḳhudā shāhid hai is kā phir nahīñ miltī nahīñ miltī
tabī.at apnī jis se o but-e-be-pīr phirtī hai