Tags-Khuda

ai sanam tujh ko jo pahuñchā vo ḳhudā ko pahuñchā
zīna-e-arsh samajhtā huuñ tire ziine ko

aatā hai dāġh-e-hasrat-e-dil kā shumār yaad
mujh se mire gunah kā hisāb ai ḳhudā na maañg

nikālā mujh ko jannat se ḳhudā kī mehrbānī ne
lihāzā aaj tak ḳhuld-āshiyāñ ḳhud ko samajhtā huuñ

dām-e-ḳhayāl-e-zulf-e-butāñ se chhuḌā liyā
kyā baal baal mujh ko ḳhudā ne bachā liyā

kaun sā jurm ḳhudā jaane huā hai sābit
mashvare kartā hai munsif jo gunahgār ke saath

'hasan' detā hai tū kyuuñ jī butoñ par
milā deñge tujhe kyā ye ḳhudā se

nigah se chashm se nāz-o-adā se
ḳhudā mahfūz rakkhe har balā se

vaqt vo hai ki ḳhudā ḳhair, ba-nām-e-īmāñ
dair vāloñ kī zabāñ ahl-e-haram bolte haiñ

nahīñ ye aadmī kā kaam vaa.iz
hamāre but tarāshe haiñ ḳhudā ne

ḳhudā ne itnā karam aur kar diyā hotā
ki jis ne zaḳhm diye us ko bhuul jaate ham

mire haath haiñ to lūñgā ḳhud maiñ ab apnā sāqi-e-mai-kada
ḳhum-e-ġhair se to ḳhudā kare lab-e-jām bhī mirā tar na ho

mile murād hamārī magar mile bhī kahīñ
ḳhudā kare magar aisā ḳhudā nahīñ kartā

hai ḳhudā ek to phir kis kī parastish karte
dūsrā naam 'vasīya' ko na japnā aayā

jis ko jaanā hī nahīñ us ko ḳhudā kyuuñ māneñ
aur jise jaan chuke haiñ vo ḳhudā kaise ho

abhī tak us kā tasavvur to mere bas meñ hai
vo dost hai to ḳhudā kis liye banā.ūñ use

but jis pe multafit ho ba-hadd-e-supurdagī
zindīq hai agar vo ḳhudā se duā kare

sayyād dām-e-zulf se mujh ko rihā kare
vo din tamām umr na aa.e ḳhudā kare

maiñ bhañvar meñ jab phañsā thā ye sadā dī us ne 'amabar'
tirī naav hai bhañvar meñ tujhe nā-ḳhudā malegā

ḳhudā rakkhe 'sabīla' har ghaḌī māñ-bāp kā saaya
duā se jin kī tūfāñ bhī mujhe tūfāñ nahīñ lagtā

ḳhudā rakkhe tujhe merī burā.ī dekhne vaale
vafādārī meñ tarz-e-bevafā.ī dekhne vaale