Tags-Khwab

phuul ḳhushbū chāñdnī mahtāb vo
par mirī ḳhātir hai koī ḳhvāb vo

jāgne kā kaam mujh ko sauñp kar
dekhtā rahtā hai mere ḳhvāb vo

kahāñ kī manzil-e-rañgīñ sahar to hone do
hamāre ḳhvāb thakan ke sivā kuchh aur nahīñ

chain se mahv-e-ḳhvāb-e-nāz meñ vo
bekalī ham ne dekh lī dil kī

ik maiñ ki ek ġham kā taqāzā na kar sakā
ik vo ki us ne maañg liye apne ḳhvāb tak

kuchh ḳhvāb ujāloñ ke ham ne dekhe the magar tā-hadd-e-nazar
jo zulmat ban kar phail ga.iiñ kin ḳhvāboñ kī ta.abīreñ haiñ

havā chalī thī pa shahr-e-jāñ ke the dar muqaffal
ye aañkh apne hī ḳhvāb tāḳhīr dekhtī hai

talāsh dariyā kī thī ba-zāhir sarāb dekhā
vo kaun āñkheñ thiiñ jin kī ḳhātir ye ḳhvāb dekhā

yaqīñ ki tishna-labī muqaddar raqam rahegī
vufūr-e-dariyā bhī misl-e-dariyā-e-ḳhvāb dekhā

zindagī se milī sauġhāt ye tanhā.ī kī
ḳhvāb TuuTe haiñ ka.ī aañkh meñ sahrā.ī kī

jab bhī ta.abīr kā imkān nazar aatā hai
merī āñkhoñ se koī ḳhvāb churā kar le jaa.e

tū kahāñ jā.egī kuchh apnā Thikāna kar le
ham to kal ḳhvāb-e-adam meñ shab-e-hijrāñ hoñge

is vahm se vāpas nahīñ palTā huuñ ki hogā
kuchh aur bhī is ḳhvāb-e-tilismāt se aage

ek anokhe ḳhvāb ke andar sote jāgte
rahtā huuñ maiñ aur hamesha rah saktā huuñ

niiñd jab ḳhvāb ko pukārtī hai
raat apnā libās utārtī hai

maiñ sub.h ḳhvāb se jaagā to ye ḳhayāl aayā
jo raat mere barābar thā kyā huā us kā

ye ḳhvāb jis ne dikhā.e the ik safar ke mujhe
vo ashk de gayā āñkhoñ meñ umr bhar ke mujhe

kachche rañg utar jaa.eñ to sab kuchh yūñhī lagtā hai
saare ḳhvāb bikhar jaa.eñ to sab kuchh yuuñ hī lagtā hai

us ko phirtā hai DhūñDhtā har-sū
kyuuñ kar āñkhoñ se uḌ na jaa.e ḳhvāb

ḳhvāb kyā hai ik khañDar hai ye khañDar kitnā hasīñ
is khañDar meñ sair karne ke liye aatā hai vo