Tags-Khwab

bichhaḌ ke tujh se mayassar hue visāl ke din
haiñ tere ḳhvāb kī rāteñ tire ḳhayāl ke din

vo ḳhvāb jo ġhubār-e-gumāñ meñ nazar na aa.e
vo ḳhvāb tujh se dīda-e-tar kitnī duur haiñ

ye log ḳhvāb aur phuul se panāh māñgne lage
bas itnā soch kar hī baat ko tamām kar rahā huuñ maiñ

jaise ki ik frame ho tasvīr ke baġhair
ham-ḳhvāb dekhte rahe ta.abīr ke baġhair

ye charāġh jaise lamhe kahīñ rā.egāñ na jaa.eñ
koī ḳhvāb dekh Daalo koī inqilāb laao

har roz aa ke ḳhvāb meñ pāzeb kī sadā
dhaḌkan hamāre dil kī baḌhātī hai aaj bhī

ḳhvāb ārām nahīñ ḳhvāb pareshānī hai
mere bistar meñ aziyyat kī farāvānī hai

kabhī judā do badan hue to diloñ pe ye do azaab utre
bichhaḌne vaale kī yaad aa.ī milan ke āñkhoñ meñ ḳhvāb utre

hasrat-e-mausam-e-gulāb huuñ maiñ
sach na ho pā.egā vo ḳhvāb huuñ maiñ

ḳhvāb meñ bhī bichhaḌne lage mujh se tum
niiñd bhī aa ke mujh ko Darāne lagī

muddat se merī aañkh meñ ik ḳhvāb hai muqīm
paanī meñ peḌ peḌ kī chhāñv meñ ret hai

terī āñkhoñ ke taġhāful se tire pahlū meñ
jab mire ḳhvāb nahā.e to nahā.e patthar

abhī sirf ḳhayāl hai ḳhvāb-numā abhī sarf-e-nazar hai sarāb-numā
zarā aur ḳharāb ho vaz-e-junūñ to vo zahmat-e-pursish-e-hāl kareñ

shu.ūr-o-hosh kī duniyā hai ek muddat se
nazar nazar meñ na.ī raushnī ke ḳhvāb liye

ḳhvāb kī kachchī malmal meñ jab āñkheñ lipTī hoñ
yādeñ oḌh ke sote rahnā achchhā lagtā hai

us ke hoñToñ se churā lo koī rañgīn sā ḳhvāb
us kī zulfoñ se koī abr-e-ravāñ le ke chalo

maiñ ġhazal kā harf-e-imkāñ masnavī kā ḳhvāb huuñ
apnī sab rūdād likhne ke liye betāb huuñ

paas aa.e tum mire yuuñ
jaise ki ḳhvāb aa.e

ḳhayāl-e-yaktā meñ ḳhvāb itne
savāl tanhā javāb itne

ret par phailā huā hai ḳhvāb jaisā ik sarāb
ḳhushk āñkhoñ kā sukūñ sahrā ke is paanī meñ hai