Collections

Lab Shayari

Motivational Ghazals

Best Khamoshi Shayari

More Collections

Tags-Khwab

maiñ to soyā bhī na thā kyuuñ ye dar-e-ḳhvāb girā
merī āġhosh meñ bujhtā huā mahtāb girā

main to soya bhi na tha kyun ye dar-e-KHwab gira

vo bevafā samajhtā hai mujh ko use kaho
ā.ankhoñ meñ us ke ḳhvāb liye phir rahā huuñ maiñ

ye mat kaho ki bhiD mein tanha khaDa hun main

dard-o-ġham kī udaas āñkhoñ meñ
aarzū ke hasīn ḳhvāb kahāñ

hum kahan aur dil-e-KHarab kahan

kaun thā vo ki jis kī chāhat meñ
ḳhvāb ban kar ḳhayāl se guzre

arsa-e-mah-o-sal se guzre

guzar jaatī hai saarī zindagī jin ke ta.āqub meñ
bagūle haiñ kisī bhī ḳhvāb kī sūrat nahīñ hotī

kisi ehsas mein pahli si ab shiddat nahin hoti

aag dekhūñ kabhī jaltā huā bistar dekhūñ
raat aa.e to yahīñ ḳhvāb-e-mukarrar dekhūñ

aag dekhun kabhi jalta hua bistar dekhun

mujh se shāmil haiñ ka.ī ḳhvāb-guzīñ sannāTe
aur nazdīk zarā aa ke sadā do mujh ko

mujhse be-zaro na yun sang se maro mujhko

sajāo ḳhvāb koī raat kī be-rañg āñkhoñ meñ
agar baaqī diloñ meñ ḳhvāhish-e-ta.abīr rakhnī hai

bayaz-e-kohna mein jiddat bhari tahrir rakhni hai

uljhā huuñ aatī jaatī sadāoñ se bārhā
bichhḌā huuñ har navā se ki ḳhvāb-o-ḳhayāl hai

bim-o-raja mein qaid har ek mah-o-sal hai

ḳhvāb dikhlā.eñ magar ḳhvāb kī tābīr na deñ
bhaaḌ meñ aise ḳhudāoñ kī ḳhudā.ī jaa.e

aa tere sang zara peng baDhai jae

shagufta-e-lāla-o-gul meñ bhī sab kahāñ nikhre
na jaane kitne shahīdoñ ke ḳhvāb ḳhaak meñ haiñ

nizam-e-shams-o-qamar kitne dast-e-KHak mein hain

ik ḳhvāb sā dekhā thā to maiñ kaañp uThā thā
phir maiñ ne koī ḳhvāb na dekhā use kahnā

sune hi rahe hijr ke sahra use kahna

'safīr' ik ḳhvāb thī ye chand roza zindagī apnī
ajal se mil ga.ī ta.abīr is ḳhvāb-e-pareshāñ kī

baDi ibrat ki manzil hai zamin gor-e-ghariban ki

jis kī āñkhoñ meñ hamesha bas hamāre ḳhvāb hoñ
us kī palkoñ par udāsī Tāñknā achchhā nahīñ

usMein rah kar uske bahar jhankna achchha nahin

zamāna guzrā havā phir se yaad aane lagā
na jaane kaun mujhe ḳhvāb phir dikhāne lagā

zamana guzra hawa phir se yaad aane laga

guzarte dauḌte lamhe hisāb meñ likhiye
haqīqatoñ kī tamannā bhī ḳhvāb meñ likhiye

guzarte dauDte lamhe hisab mein likhiye

koī ta.abīr kī sūrat bhī nikal aa.egī
niiñd to aa.e kabhī ḳhvāb nazar to aa.e

kuchh chamakta sa tah-e-ab nazar to aae

ham donoñ judā ho ga.e
judā.ī ne hamāre ḳhvāb zahrīle kar diye

adhuri maut kar karb

gar ro.e to āñkhoñ ke sab bāshinde bah jā.eñge
haa.e shikasta ḳhvāb hamāre is bastī meñ rahte haiñ

donon jaanib qaid-shuda is KHush-fahmi mein rahte hain

aa jaate ho kyuuñ āḳhir yuuñ ḳhvāb na.e le kar
is shahr-e-tazabzub meñ kyā hai jo tumhārā hai

dariya-e-mohabbat mein maujen hain na dhaara hai