Tags-Khwab

maiñ ne apnī zindagī
ḳhvāb dekhne laḌne aur ḳhaar chunñe meñ zaa.e.a kī

ye merī sarhad-e-jāñ meñ qadam dharā kis ne
ki mahv-e-ḳhvāb huuñ āñkhoñ meñ rat-jagā bhī hai

mirī sub.h-e-ḳhvāb ke shahr par yahī ik javāz hai jabr kā
ki mire vajūd ke baaġh meñ abhī koī phuul hai sabr kā

kisī bādbān kī oT meñ kahīñ āsmān ke sāmne
ye ziyā hai mish.al-e-ḳhvāb kī ki koī charāġh hai abr kā

kisī safar kisī asbāb se ilāqa nahīñ
tumhāre baad kisī ḳhvāb se ilāqa nahīñ

sadiyāñ jin meñ zinda hoñ vo sach bhī marne lagte haiñ
dhuup āñkhoñ tak aa jaa.e to ḳhvāb bikharne lagte haiñ

maanā ki sab ke sāmne milne se hai hijāb
lekin vo ḳhvāb meñ bhī na aa.eñ to kyā kareñ

rātoñ ko jāgne ke sivā aur kyā kiyā
āñkheñ agar milī thiiñ koī ḳhvāb dekhte

shab meñ dekhī haiñ paḌī paañv meñ zanjīreñ do
yaaro is ḳhvāb kī tum hī mujhe ta.abīreñ do

hai jis ke dhyān meñ har lamha ḳhvāb kā aalam
mile kahīñ to kareñ us se guftugū bhī kyā

huī muddat nigāhoñ se chhuā thā marmarīñ chehra
tilism-e-ḳhvāb se ab tak na ho pā.īñ rihā āñkheñ

nīñd-pālkī utrī raat duur jañgal meñ
ḳhvāb ḳhvāb manzar thā dhīre dhīre bahtī thī

ga.ī rutoñ ke fasāne abhī nahīñ bhūle
ye jitne ḳhvāb haiñ ā.ankhoñ meñ guzre saal ke haiñ

kitne hasīn ḳhvāb taraste haiñ diid ko
ā.īna-e-jamāl pe baiThegī kitnī ḳhaak

kār-e-duniyā ne hameñ mohlat-e-yak-ḳhvāb na dī
so kahīñ kho.e hue haiñ na hī paa.e hue haiñ

vafā kā kāġhaz to bhiig jā.egā bad-gumānī kī bārishoñ meñ
ḳhatoñ kī bāteñ to ḳhvāb hoñgī payām mumkin nahīñ rahegā

shā.irī meñ anfus-o-āfāq mub.ham haiñ abhī
isti.āra hī haqīqat meñ ḳhudā sā ḳhvāb hai

mere raste meñ khaḌī hai chiin kī dīvār sī
is taraf haiñ ḳhvāb mere us taraf ta.abīr hai

shīsha-e-ḳhvāb jo TuuTā to vo āsār ga.e
chashm-e-bedār bhī hai nargis-e-bīmār ai dil

ab unheñ mujh se kuchh hijāb nahīñ
ab in āñkhoñ meñ koī ḳhvāb nahīñ