Tags-Mehfil

mujh se mire ḳhayāl kī tanhā.ī chhin ga.ī
mahfil meñ kis sadā se bulāyā gayā mujhe

phir vahī jāñ-ba-labī lazzat-e-mai se pahle
phir vo mahfil jo ḳharābāt na hone paa.ī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

kyuuñ kar raqīb aa.eñ na mahfil meñ aap kī
hai ḳhaar gul ke vāste gul ḳhaar ke liye

ek taraf ye duniyā-dārī ek taraf vo ḳhalvat-e-ġham
duniyā vaalo har mahfil meñ dekho ham bhī hote haiñ

thī mah-e-nau rafta rafta māh-e-kāmil ban ga.ī
shā.irāna mahfiloñ meñ sham-e-mahfil ban ga.ī

kab se huuñ gosh-bar-āvāz tirī mahfil meñ
yaar dildār bas ab shikva-e-bejā na sunā

tārīkiyāñ muhīt haiñ har anjuman pe aaj
lāzim nahīñ ki maiñ tirī mahfil meñ hī jalūñ

jis ke liye baiThe the bichhā.e hue āñkheñ
mahfil meñ abhī tak vo bashar kyuuñ nahīñ aayā

ābād jis se thiiñ mirī tanhā.iyāñ 'kalīm'
nazroñ meñ hai vo mahfil-e-yārāñ sajī huī

ye sitam kī mahfil-e-nāz hai 'kalīm' is ko aur sajā.e jā
vo dikhā.eñ raqs-e-sitamgarī tū ġhazal kā saaz bajā.e jā

charchā mahfil meñ jo phir aaj merī thī niklī
har galī-kūche se phir merā dīvāna aayā

us kī mahfil meñ unhīñ kī raushnī jin ke charāġh
maiñ bhī kuchh hotā to merā bhī diyā hotā nahīñ

agar ḳhāmosh kar bhī dī zabāñ rasm-e-mohabbat meñ
sar-e-mahfil magar 'shāyān' kā kirdār bolegā

jahāñ sach baat kahne kā ho matlab jaan se jaanā
usī mahfil meñ bas apnā dil-e-ḳhuddār bolegā

kisī mahfil meñ jab insāniyat kā naam aayā hai
hameñ yaad aa ga.ī bāzār meñ biktī huī chīzeñ

mil chukā mahfil meñ ab lutf-e-shakebā.ī mujhe
khīñchtī hai apnī jānib terī añgḌā.ī mujhe

har jalva-e-husn be-vatan hai
shāyad ki ye mahfil-e-suḳhan hai

havāoñ ke muqābil huuñ
charāġhoñ kī vo mahfil huuñ

be-maqsad mahfil se behtar tanhā.ī
be-matlab bātoñ se achchhī ḳhāmoshī