Collections

Lab Shayari

Motivational Ghazals

Best Khamoshi Shayari

More Collections

Tags-Naqab

jūñ-hī muñh par se uThā dī baaġh meñ aa kar naqāb
uḌ gayā rañg-e-chaman dekh us ruḳh-e-zebā kā rañg

kyun na le gulshan se baj us arghawan-sima ka rang

suntā huuñ sā.atoñ meñ nigār-e-sahar kī chaap
manzar naqāb-e-shām ulaTtā dikhā.ī de

manzil na koi moD na rasta dikhai de

Daal rakkhī hai ḳhirad-mandoñ ne chehroñ par naqāb
is liye kahtā huuñ dīvānoñ kī bastī meñ chalo

qad baDhane ke liye baunon ki basti mein chalo

diloñ meñ aag laboñ par gulāb rakhte haiñ
sab apne chehroñ pe dohrī naqāb rakhte haiñ

dilon mein aag labon par gulab rakhte hain

haqīqī chehra kahīñ par hameñ nahīñ miltā
sabhī ne chehre pe Daale haiñ maslahat ke naqāb

haqiqi chehra kahin par hamein nahin milta

tamām shahr hai Duubā huā añdhere meñ
tum apne chāñd se chehre ko be-naqāb karo

KHyal-e-bad se hama-waqt ijtinab karo

chehre pe na ye naqāb dekhā
parde meñ thā āftāb dekhā

chehre pe na ye naqab dekha

ye kah ke raḳhna Dāliye un ke hijāb meñ
achchhe bure kā haal khulegā naqāb meñ

ye kah ke raKHna Daliye un ke hijab mein

ba-rañg-e-sham.a chhupe husn-e-jalvagar kyuuñ kar
hazār us ko rakheñ burqa-o-naqāb ke biich

juda nahin hai har ek mauj dekh aab ke bich

log kar Dāleñ na ḳhud apne jigar ke TukḌe
be-naqāb un kā chale aanā ḳhudā ḳhair kare

laghzish-e-saqi-e-mai-KHana KHuda KHair kare

diid āḳhir hai ulaT dījiye chehre se naqāb
aaj mushtāq ke chehre pe naqāb aatā hai

ab unhen apni adaon se hijab aata hai

huī qā.il-e-jalva-e-tūr ḳhalq
sar-e-bām vo be-naqāb aa gayā

qalaq aa gaya iztirab aa gaya

tasavvur meñ bhī ab vo be-naqāb aate nahīñ mujh tak
qayāmat aa chukī hai log kahte haiñ shabāb aayā

tasawwur mein bhi ab wo be-naqab aate nahin mujh tak

be-shak naqāb-e-ruḳh se uThāyā kisī ne aaj
zulmat-kade meñ mere jo zulmat nahīñ rahī

tumko agar hamari mohabbat nahin rahi

ka.ī tarah ke libās-o-hijāb rakkhūñgā
udhaḌ rahā hai ye jīvan naqāb rakkhūñgā

kai tarah ke libas-o-hijab rakkhunga

naqāb laakh chhupā.e vo chhup nahīñ saktī
mirī nazar meñ jo sūrat hai dilrubā terī

abhi se aafat-e-jaan hai ada ada teri

yārab ye kis ne chehre se ulTā naqāb jo
sau raḳhne ab nikalne lage āftāb meñ

shab josh-e-girya tha mujhe yaad sharab mein

nazroñ se ġhubār chhaT ga.e haiñ
chehroñ se naqāb ulaT ga.e haiñ

nazron se ghubar chhaT gae hain

Unpublished Ghazal

طاؤس نمط داغ کے گر رنگ نکالوں

uTThe tirī naqāb to uTh jaa.e ek baar
sab tafraqa ye roz-o-shab-o-sub.h-o-shām kā

hai be-lab-o-zaban bhi ghul tere nam ka