Tags-Nasha

nashsha-e-ilm kī ummīd pe jiine vaale
simaT aate haiñ sar-e-shām se piine vaale

ai shoḳh terī dast-darāzī se nashshe meñ
gardūñ tak āftāb kī pagḌī uchhal ga.ī

nashshe meñ zinda haiñ hai īsā-nafas apnā ḳhumār
jaan a.azā meñ chalī aatī hai añgḌā.ī nahīñ

duḳhtar-e-raz misl-e-aflātūñ hai jab tak ḳhum meñ hai
nashshe meñ apne se bāhar hoñ ye dānā.ī nahīñ

kyā bāda-e-javānī mard-āzamāñ nasha thā
ab ai 'qalaq' vabāl-e-ḳhvāb-o-ḳhumār haiñ ham

saaqī tirī nigāheñ kab tak raheñgī palTī
hai nashsha zāhidoñ ko aur bāda-ḳhvār haiñ ham

shaam to jaise ḳhvāb meñ guzrī
aadhī raat nasha TuuTā thā

nashsha-e-jur.at ziyāda ho gayā ai mai-kasho
sāġhar-e-mai ban gayā kaasa sar-e-sohrāb kā

mai-e-ishq josh-zan hai ye lahū nahīñ ragoñ meñ
mirā nashsha kyuuñ utartā mujhe kyuuñ ḳhumār hotā

na atā-e-duḳhtar-e-raz hai ye na hai faiz-e-sāqī-e-mai-nafas
jo chaḌhe to phir na utar sake ye nasha hai fan kī sharāb kā

aayā jo nasha mai kā to shab aañkh meñ us kī
sau rañg se bad-mastī kā rañg aan ke chamkā

havā meñ nashsha hī nashsha fazā meñ rañg hī rañg
ye kis ne pairahan apnā uchhāl rakkhā hai

nasha chaḌhne lagā hai aur chaḌhnā chāhiye bhī thā
abas kā nirḳh to is vaqt baḌhnā chāhiye bhī thā

ghoḌe pe maiñ savār huuñ sunte ho paidalo
mujh par savār nashsha hai maiñ us ke huuñ jilau

ḳhālī huā gilās nasha sar meñ aa gayā
dariyā utar gayā to samundar meñ aa gayā

ālam-e-mastī kī tauba al-amāñ
pārsā.ī nashsha ban kar chhā ga.ī

nashsha baḌhtā hai hameñ der meñ mai-noshī ke ba.ad
us kī gunjān ḳhamoshī kī navā-noshī se

mai-kashoñ ko nashsha ho jaatā hai be-jām-o-subū
husn kī vo dil-fareb añgḌā.iyāñ dehlī meñ haiñ

karūñ zikr kyā maiñ shabāb kā sune kaun qissa ye ḳhvāb kā
ye vo raat thī ki guzar ga.ī ye vo nashsha thā ki utar gayā

ye rū-e-raushan aur ye gesu-e-mushk-e-fām
yaañ shaam meñ to sub.h hai aur sub.h meñ hai shaam