Tags-Phool

kyuuñ mirī āñkhoñ meñ har roz na.e aas ke phuul
dosto aa ke khilāte ho chale jaate ho

kahīñ joḌe meñ koī phuul gūñdhe koī laT khole
fazā-e-sāhil-e-huglī meñ rañg-o-nūr bhartī hai

us kī bātoñ se vo ab phuul nahīñ jhaḌte haiñ
us ke hoñToñ pe abhī merā gila hai shāyad

rah-e-hayāt meñ kāñTe bichheñ ki phuul khileñ
ye shart hai tirī jānib vo rāsta jaa.e

ḳhizāñ ke zard dinoñ kī siyāh rātoñ meñ
kisī kā phuul sā chehra dikhā.ī detā hai

'fazā' ko toḌ to pheñkā havāoñ ne lekin
ye phuul apnī hī shāḳhoñ ke darmiyān girā

phuul hai jo kitāb meñ asl hai ki ḳhvāb hai
us ne is iztirāb meñ kuchh na paḌhā likhā to phir

sher mere haiñ magar in meñ mohabbat us kī
phuul mere haiñ magar bād-e-sabā us kī hai

hotī hai har ik phuul se gulzār kī zīnat
nādān haiñ jo nasl-e-shajar dekh rahe haiñ

chaman ke phuul bhī tere hī ḳhosha-chīñ nikle
kisī meñ rañg hai terā kisī meñ bū terī

samjho na daaġh dāman-e-dil meñ ye phuul haiñ
ab haiñ qafas-nasīb kabhī the chaman meñ ham

chhūtā nahīñ Dar se phuul koī
kāñToñ ko koī piro rahā hai

vo jo na dil meñ bhar sake nūr-o-ziyā kī bijliyāñ
phuul meñ muskurā.e kyuuñ zarre meñ jagmagā.e kyuuñ

vo phuul jo muskurā rahā hai
shāyad mirā dil jalā rahā hai

shab-o-roz phuul meñ jo tule kaho ḳhār-e-ġham ko vo kyā sahe
mile tauq qaid meñ jab unheñ kahā gul ke badle ye haar hai

ye mohabbat kā sila thā ishq kā anjām thā
phuul kā hañsnā hī us kī maut kā paiġhām thā

haa.e ik phuul masalne ko ye kāñToñ kā hujūm
jā ke gulshan meñ bahāroñ kā galā ghoñT aayā

hai shaad apne phuul siiñ har bulbul ai 'sirāj'
vo yār-e-nau-bahār hamārā kab aa.egā

phuul jhaḌne lage zabāñ se mirī
jab kisī gul-badan kā naam liyā

ban gayā phuul banāne the ḳhad-o-ḳhāl us ke
rah ga.ī mere taḳhayyul maiñ kamī thoḌī sī