Collections

Lab Shayari

Motivational Ghazals

Best Khamoshi Shayari

More Collections

Tags-Phool

har kaan huā hai sabad-e-gul se ziyāda
kyā phuul ke mānind tire muñh se jhaḌī baat

aisi hui sarsabz-shikayat ki kaDi baat

shahr se duur din kā phuul khilā
dasht meñ bhī hai gulistāñ koī

kya kare haal-e-dil bayan koi

ḳhizāñ ke aane se ho jaa.eñ ġham-zada jo phuul
unheñ qasam hai bahāroñ meñ muskurāne kī

ilahi KHair ho ab apne aashiyane ki

sunā hai phuul jhaḌe the jahāñ tire lab se
vahāñ bahār utartī hai roz shaam ke saath

tere KHayal, tere KHwab, tere nam ke sath

bahut se phuul the aur saare achchhe rañgoñ ke
sabā ne bheje the jo kal tire payām ke saath

tere KHayal, tere KHwab, tere nam ke sath

phuul sī nannhī hathelī
vaqt patthar toḌtā hai

KHwab barfani chita hai

phuul sā chehra dahkā dahkā zulfoñ kī shādābī meñ
ālam-e-imkāñ chupke chupke apnī āñkheñ maltā thā

jagmag jagmag uski aankhen mera sina julta tha

kākul huī tar araq se ruḳh ke
pī saañp ne us phuul par kī

dil ki kahun ya kahun jigar ki

jaane kis rut meñ khileñge yahāñ ta.abīr ke phuul
sochtā rahtā huuñ ab ḳhvāb ugātā huā maiñ

nit-nae naqsh se baatin ko sajata hua main

khīñch letā hai dāman-e-ehsās
phuul kī be-zabāniyoñ pe na jā

ghair ki bad-gumaniyon pe na ja

mom kī sīḌhī pe chaḌh kar chhū rahe the āftāb
phuul se chehroñ ko ye koshish bahut mahñgī paḌī

ek rida-e-sabz ki KHwahish bahut mahngi paDi

puujā ke phuul suukh ga.e intizār meñ
soyā huā hai shahr-e-butāñ jāgte raho

masruf-e-gham hain kaun-o-makan jagte raho

hamesha haath meñ rahte haiñ phuul un ke liye
kisī ko bhej ke mañgvāne thoḌī hote haiñ

hum apne aap se begane thoDi hote hain

maiñ kyā karūñ ye tirī sabz vādiyāñ le kar
yahāñ vo phuul jise dil kahīñ khilā hī nahīñ

ghubar uDta raha karwan ruka hi nahin

hai chaman meñ zindagī kī dāstāñ bikhrī huī
phuul murjhā.e hue aur pattiyāñ bikhrī huī

hai chaman mein zindagi ki dastan bikhri hui

phuul ko phuul na kahte so use kyā kahte
kyā huā ġhair ne collar pe sajā.e rakkhā

dil-e-pur-shauq ko pahlu mein dabae rakkha

shā.erī meñ dhuul kyuuñ uḌne lagī
phuul kyuuñ khilte nahīñ ash.ār meñ

paDh ke hairan hun KHabar aKHbar mein

kyuuñ na tashbīh phuul ho us kī
vo jo ḳhushbū sā dāstān meñ hai

ab kahan dard jism-o-jaan mein hai

phuul nargis ke banā.e kab vahāñ me.amār ne
ye hamārī naqsh-bar-dīvār āñkheñ ho ga.iiñ

aashiq-e-zulf-o-ruKH-e-dildar aankhen ho gain

is baras phuul zyāda na sahī shāḳhoñ par
bārisheñ kam thiiñ magar rañg barābar aa.e

dekhiye kitne suKHan-fahm suKHan-war aae