Tags-Phool

tamāzatoñ ne ġham-e-hijr kī ujaaḌ diyā
badan thā phuul sā chehra kitāb aisā thā

bahār aa.ī to āñkhoñ meñ ḳhaak uḌne lagī
na koī phuul khilā aur na rañg o bū raushan

do ghaḌī ke liye mumkin hai koī phuul khile
hāsil-e-dasht-e-muġhīlāñ hai ḳhabar-dār raho

rañg-o-ḳhushbū ke tilismāt meñ khone vaalo
phuul meñ aag bhī pinhāñ hai ḳhabar-dār raho

khilte jaate haiñ phuul rāhoñ meñ
kaun mahv-e-ḳhirām hai yaaro

uf ye talāsh-e-husn-o-haqīqat kis jā Thahreñ jaa.eñ kahāñ
sehn-e-chaman meñ phuul khile haiñ sahrā meñ dīvāne haiñ

tū manādir ke singhāsan pe ba-sad izz-o-vaqār
phuul kī thaal meñ lau detā diyā huuñ maiñ bhī

bahut se phuul lahje ḳhaar hote ham ne dekhe haiñ
kisī shīrīñ-navā kī dil ko ab ḳhvāhish nahīñ rahtī

phuul se baas judā fikr se ehsās judā
fard se TuuT ga.e fard qabīle na rahe

maiñ jab bhī phuul us kī yaad ke gulshan se chuntī huuñ
to 'bīnā' karb merā rañg kā paikar badaltā hai

jab nahīñ umr to vo phuul khilā
kab kā bachhḌā huā kab yaad aayā

itnā nārāz ho kyuuñ us ne jo patthar pheñkā
us ke hāthoñ se kabhī phuul bhī aayā hogā

yārab diyā hai husn to ye bhī kamāl de
maiñ hañs paḌūñ to phuul bhī ḳhushbū uchhāl de

kal unheñ bhī to phuul banñā hai
aaj ġhunchoñ ko muskurāne do

merī sadā ke phuul chaḌhāte haiñ mujh pe log
zinda to huuñ magar mirā fan maqbare meñ hai

yaad aa.e to khileñ phuul chale purvā.ī
dard jaage to tirā aks tah-e-jām utre

lahad pe ā.eñge aur phuul bhī uThā.eñge
ye rañj hai ki na us vaqt hoñge ham baaqī

pahn kar jaama basantī jo vo niklā ghar suuñ
dekh āñkhoñ meñ mirī phuul ga.ī hai sarsoñ

phuul ban kar hamesha hī khiltī rahe
chāñd ban kar kabhī jagmagā.e nazar

ki jis meñ phuul khileñ aur chaman mahak uThe
ye vo sahar hī nahīñ hai ye vo havā hī nahīñ