Tags-Phool

dekhiye kitne suḳhan-fahm suḳhan-var aa.e
maiñ ne ik phuul uThāyā ka.ī patthar aa.e

haTāyā rañg kā paudā to zaḳhm zaḳhm thā phuul
chaman chaman the vahī silsile sarāboñ ke

tirī nazar se ibārat the tere saath ga.e
vo phuul mere ḳhayāloñ ke rañg ḳhvāboñ ke

har vaqt khilte phuul kī jānib takā na kar
murjhā ke pattiyoñ ko bikharte hue bhī dekh

abhī tak bām-o-dar haiñ phuul jaise
mire ghar bhī vo ḳhush-manzar gayā thā

rone vaale rā.egāñ kī ret par mehnat na kar
narm rut kā phuul hai dil aag meñ khiltā nahīñ

tujhe to kitnī bahāreñ salām bhejeñgī
abhī ye phuul sā chehra zarā sambhāl ke rakh

tamām pheñke ga.e pattharoñ pe bhārī thā
vo ek phuul akelā sabhoñ pe bhārī thā

rahā karte haiñ yuuñ ushshāq terī yaad o hasrat meñ
base rahte haiñ jaise phuul apnī apnī nik.hat meñ

taḌaḳh ke gard kī tah se agar kahīñ kuchh phuul
khile bhii, koī to dekhegā kaun dekhegā

dostoñ ke hadaf pe hai 'āzam'
ab vo barsā.eñ phuul yā patthar

aañsū sitāre os ke daane safed phuul
sab mere ġham-gusār sar-e-shām ā.eñge

maiñ ne baaġh lagāyā is meñ phuul aur phal to haiñ
duniyā ke talve sahlāne vaalī ghaas nahīñ

ai falak ham bhūlte jaate haiñ andāz-e-ḳhalīl
ham pe añgāre bhī barsā phuul barsāne ke ba.ad

phuul barse kahīñ shabnam kahīñ gauhar barse
aur is dil kī taraf barse to patthar barse

kyā balā-e-bad hai ye bād-e-ḳhizāñ
ho ga.ī sab phuul pattā dekhiye

chahaktī ye bulbuleñ ye gulchīñ chaman pe haq hai sabhī kā lekin
kisī ke hisse meñ phuul aa.e kisī ke hisse meñ daam aayā

hai kaun ġhuncha surāhī banā na tere huzūr
hai kaun phuul jo mai kā tire ayāġh nahīñ

gul-ruḳhoñ kī baat chhoḌo vo ḳhizāñ-dīda haiñ phuul
fasl-e-gul kā zikr sub.h-o-shām honā chāhiye

usī din phuul haiñ jis din vo gul turbat pe aa baiThe
sivum se kuchh ġharaz mujh ko na kuchh matlab hai panjum se