Tags-Qismat

hamārā rashk se dil jal ke ḳhākistar ho yā qismat
aur in dāmoñ meñ missī zeb-e-dandāñ ho ke mil baiThe

aur the vo jin ko jāgīreñ atā us se huiiñ
apnī qismat meñ to bas fankār honā thā hue

in saroñ kī aur in mahloñ kī qismat ek thī
sañg chalnā the chale mismār honā thā hue

tujhe apnā banānā chāhtā huuñ
maiñ qismat āzmānā chāhtā huuñ

zahe qismat ki us ke qaidiyoñ meñ aa ga.e ham bhī
vale shor-e-salāsil meñ hai ik khaTkā rihā.ī kā

nākāmi-e-qismat kyā shai hai kyā chiiz shikasta-pā.ī hai
do-gām pe manzil hai lekin do-gām bhī chalnā mushkil hai

kaisī mohabbat hai
likhā qismat meñ jis ke

agar ġham uThānā thā qismat meñ apnī
ḳhushī kyuuñ milī ġham uThāne se pahle

aisī lahreñ aisī bahreñ kab qismat se miltī haiñ
achchhe māñjhī ab nayyā ko paar utarne mat denā

gila abas un se kiije 'āqil' kiyā hai qismat ne un ko ġhāfil
jo dar pe jā kar pukārā maiñ ne to bole kah do ki so rahe haiñ

pūchhā thā ye maiñ ne ki miTā.egā mujhe kaun
qismat abhī ḳhāmosh thī jo us ne kahā ham

dil meñ ḳhauf-e-shuma.i-e-qismat se ghabrā.ī huī
ro.ab se nīchī nigāheñ aañkh sharmā.ī huī

ghaTā.eñ chhā.ī haiñ sāġhar uThā le jis kā jī chāhe
ye mai-ḳhāna hai qismat aazmā le jis kā jī chāhe

kaun bhañvar meñ mallāhoñ se ab takrār karegā
ab to qismat se hī koī dariyā paar karegā

mere havās ishq meñ kyā kam haiñ muntashir
majnūñ kā naam ho gayā qismat kī baat hai

haa.e us bekas-o-majbūr kī qismat 'arshī'
shaam se pahle hī jo sham.a jalā detā hai

un kī qismat meñ jalnā hai kaun un se kahtā hai jaleñ
parvāne dīpak par aa kar apne-āp jal jaate haiñ

rañj detā hai mazā vo hai tabī.at merī
chain likhtī hai mire vāste qismat merī

faqat dūriyoñ meñ hī saarī kashish hai ki nazdīkiyoñ se bharam TūTte haiñ
falak pe chamaknā hai qismat hamārī zamīñ se ye kahte haiñ TuuTe sitāre