Collections

Lab Shayari

Motivational Ghazals

Best Khamoshi Shayari

More Collections

Tags-Qismat

vaa.e qismat paañv kī ai zo.af kuchh chaltī nahīñ
kārvāñ apnā abhī tak pahlī hī manzil meñ hai

sarfaroshi ki tamanna ab hamare dil mein hai

sar par taaj kī sūrat dhar dī us ne īñdhan kī gaThrī
ishq ne kaise ḳhush-qismat ko shaah se lakaḌhārā kiyā

ek kitab sirhane rakh di ek charagh sitara kiya

baat karne kī shab-e-vasl ijāzat de do
mujh ko dam bhar ke liye ġhair kī qismat de do

baat karne ki shab-e-wasl ijazat de do

apnī qismat meñ azal se hī sitam rakkhā thā
rañj rakkhā thā mehan rakkhā thā ġham rakkhā thā

dur tak yaad-e-watan aai thi samjhane ko

mujhe āzād kar do nā sabhī pur-soz nāloñ se
mirī ai ḳham-zada qismat dukhoñ kī saḳht chāloñ se

mujhe aazad kar do na sabhi pur-soz nalon se

mire safīne ko dhāre pe Daal de koī
maiñ Duub jā.ūñ ki tir jā.ūñ merī qismat hai

main dil ko chir ke rakh dun ye ek surat hai

qismat kā apnī pech huā gesūoñ kā pech
badleñ siyāh tāle-e-zill-e-humā se ham

karte hain shauq-e-did mein baaten hawa se hum

qismat kī ḳharābī hai ki jaatā huuñ ġhalat samt
paḌtā hai bayābān bayābān se aage

qismat ki KHarabi hai ki jata hun ghalat samt

tum se judā.ī kā kyā ronā
ye to qismat meñ likkhī thī

milne ki jab baat hui thi

maiñ apnā azm le kar manziloñ kī samt niklā thā
mashaqqat haath pe rakkhī thī qismat ghar pe rakkhī thī

tumhaare nam par maine har aafat sar pe rakkhi thi

raat hī ke dāman meñ chāñd bhī haiñ taare bhī
raat hī kī qismat hai be-charāġh honā bhī

raat hi ke daman mein chand bhi hain tare bhi

ḳhatt-e-qismat paḌhā nahīñ jaatā
sirf mantiq tamām karte haiñ

ishq ka iKHtitam karte hain

guhar-bīñ hai nizām-ul-mulk apnā
tabī.at kyā 'bayāñ' qismat laḌī hai

wo dariya-bar ashkon ki jhaDi hai

'bāno' jo ġham milā mujhe qismat se ab vahī
le kar kisī kī yād-e-musalsal kahāñ gayā

aankhon mein jo basa tha wo kajal kahan gaya

na thā apnī hī qismat meñ tulū-e-mehr kā jalva
sahar ho jā.egī shām-e-ġharībāñ ham nahīñ hoñge

charagh-e-zindagi hoga farozan hum nahin honge

jin kī dard-bharī bātoñ se ek zamāna raam huā
'qāsir' aise fan-kāroñ kī qismat meñ ban-bās rahā

phir to is be-nam safar mein kuchh bhi na apne pas raha

sab kī qismat ik na ik din jāgtī hai haañ bajā
zindagī kyuuñ kar guzāre vo jo is meñ shak kare

chir kar sine ko rakh de gar na pae gham-gusar

paar utarne vāloñ ko ab dīvānoñ meñ ginte ho
shāyad ḳhush-qismat the vo jo Duub ga.e mañjdhāroñ meñ

nam hamara duniya wale likhenge ji-daron mein

ham jin ke ho ga.e the zamāne ko chhoḌ kar
qismat to dekhiye vo hamāre nahīñ rahe

afsos kya jo hum bhi tumhaare nahin rahe

apnī qismat ke liye vo ik sitāra thā bahut
dastaras to thī magar sab āsmāñ rahne diyā

chaar-su phaila hua kar-e-jahan rahne diya