Tags-Qismat

apnī āñkhoñ kā diyā merī jabīñ par rakh kar
naam apnā mirī qismat meñ jagā.e rakhnā

kuchh akelī nahīñ merī qismat
ġham ko bhī saath lagā lagā.ī hai

chhoḌ kar tauf-e-haram hai kyā pashemānī mujhe
gardish-e-qismat meñ apne aap aa jaane ke ba.ad

sadā hī merī qismat juuñ sadā-e-halqa-e-dar hai
agar maiñ ghar meñ jaatā huuñ to vo bāhar nikaltā hai

maiñ ne sochā thā ki ye 'amabar' qismat merī badal deñge
mujh se bichhaḌ ke ye saare nikle raat safar sahrā aur maiñ

kab rahā shauq jītne kā hameñ
hārte hī rahe haiñ qismat se

Thukrā ke chalī jabīñ ko mere
qismat ke likhe ne yāvarī kī

hamesha kyā yuuñ hī qismat meñ hai gintī ginā denā
koī naala na lab par lā.iq-e-anjām aa.egā

honā qismat kā kaheñ kyā tā-shām
ham the aur ghar kā bas ik konā thā

muskurāte ḳhvāb chuntī gungunātī ye nazar
kis tarah samjheñ mirī qismat kī nā-manzūriyāñ

sochā thā ham tujh bin mar-khap jā.eñge
qismat dekho ab bhī achchhe-ḳhāse haiñ

āzmāne ke liye qismat 'sabīn'
dil ko daav par lagā.eñ to sahī

sharmā ke muñh na pher nazar ke savāl par
laatī hai aise moḌ pe qismat kabhī kabhī

jafā se fitrat-e-āsūdgāñ tāmīr kī tum ne
vafā ko qismat-e-āshufta-hālāñ kar diyā ham ne

ek jannat ke liye itnā alam shaiḳh-e-haram
kaash hotī tirī qismat meñ ḳharābāt kī raat

jān-o-dil meñ se nahīñ ek bhī ab nek-nasīb
donoñ kam-baḳht hue aa ke baham yā qismat

kūcha-e-yār meñ thoḌī sī jagah de ai baḳht
māñgtā tujh se nahīñ mulk-e-ajam yā qismat

kūcha-gardī se use shauq hai lekin gaahe
is taraf ko nahīñ rakhtā vo qadam yā qismat

yaar tū yaar nahīñ baḳht haiñ so ulTe haiñ
kab talak ham ye saheñ dard-o-alam yā qismat

ġhair par lutf kare ham pe sitam yā qismat
thā nasīboñ meñ hamāre ye sanam yā qismat