Tags-Raushni

raushnī aa rahī hai bāhar se
dar ko dīvār kar diyā jaa.e

haath aayā na raushnī kā sarāb
duur thā chāñd kā nagar baabā

chalī jaa.e bāzār meñ raushnī jab achānak
chamakne lage jo bas ik dam vahī aadmī hai

purāne añdheroñ ko āñkhoñ meñ mahfūz rakhnā
na.ī raushnī kuchh yaqīnī nahīñ raushnī hai

nahīñ dekhtā din jise chashm-e-shab dekhtī hai
añdherā bhī ik dūsre rañg kī raushnī hai

vo raushnī se bharī jhiil ke kināre par
shikasta-rūh, darīda-badan rafū karte

merī manzil hai raushnī lekin
merī qudrat meñ āftāb nahīñ

ġharīb-ḳhāne meñ hotī hai raushnī jis se
ham us charāġh-e-munavvar ko chuum lete haiñ

muddatoñ ba.ad koī aayā hai
raushnī hai ġharīb-ḳhāne par

bhejtā maiñ kis ko sub.hoñ kī kuñvārī raushnī
us ko būḌhī raat ke rañgoñ kī tābish chāhiye

ye kor-chashmī kā hai tamāshā ki zulmatoñ kī taheñ jamī haiñ
nazar se parda haTā ke dekheñ yahāñ vahāñ raushnī milegī

tujh ishq meñ jal jal kar sab tan kuuñ kiyā kājal
ye raushnī afzā hai añkhiyā ko lagātī jā

kaisī yādoñ ke diip jal uThe
duur tak raushnī nahātī hai

kabhī to aa mirī āñkhoñ kī raushnī ban kar
zamīn-e-ḳhushk ko sairāb kar namī ban kar

raushnī kā saath mahñgā paḌ gayā hai
jaane kis vahshat meñ saaya paḌ gayā hai

kahāñ chale ga.e tum sauñp kar ye daulat-e-nūr
mirī hayāt to jugnū kī raushnī meñ kaTī

vo raushnī thī saa.e bhī tahlīl ho ga.e
ā.īna-ghar meñ apnī bhī sūrat nahīñ milī

ye shahr saarā to raushnī meñ khilā paḌā hai so kyā likhūñ maiñ
vo duur jañgal kī jhoñpaḌī meñ jo ik diyā hai vo shā.irī hai

añdhere meñ nazar aane lagā thā
koī to raushnī zulmāt meñ thī

vo jo mahv the sar-e-ā.ina pas-e-ā.ina bhī to dekhte
kabhī raushnī meñ vo tīrgī ko chhupā huā bhī to dekhte