Tags-Raushni

khiḌkiyoñ se jhāñktī hai raushnī
battiyāñ jaltī haiñ ghar ghar raat meñ

kahīñ añdhere kahīñ raushnī se Darte hue
tamām-umr guzārī hai ham ne marte hue

tab hazāroñ añdheroñ se
ik raushnī kī kiran phuuT kar

sūraj bhī thak chukā hai kahāñ raushnī kare
virse meñ baT ga.ī hai añdheroñ kī kā.enāt

tum apne jism ke kuchh to charāġh gul kar do
maiñ raushnī huuñ ziyāda to so nahīñ saktā

aa.e the kuchh sitāre tirī raushnī ke saath
ham apne hī nashe meñ the inkār kar diyā

sahar kī dhundlī sī raushnī meñ tamām din kī basīrateñ huuñ
shu.ūr bedār karne vaale hamārī āñkhoñ meñ ḳhvāb rakhnā

miltī hai biich biich meñ shahroñ kī raushnī
sahrā kā gasht khel-tamāshā nahīñ rahā

achchhā huā ki sab dar-o-dīvār gir paḌe
ab raushnī to hai mire ghar meñ havā to hai

chaman ko raushnī dī nazr-e-ātish āshiyāñ kar ke
kiyā ye tajraba ham ne ghar apnā rā.egāñ kar ke

aa.egā vo din hamārī zindagī meñ bhī zarūr
jo añdheroñ ko miTā kar raushnī de jā.egā

āñkhoñ meñ ghul na jaa.eñ kahīñ zulmatoñ ke rañg
jis samt raushnī hai udhar dekhte raho

vahāñ qalb kī raushnī saath degī
jahāñ din na hogā faqat raat hogī

milī hai us ke sabab itnī raushnī 'shahzād'
bujhā diye ka.ī sūraj use diyā likh kar

ye raushnī ke ta.āqub meñ bhāgtā huā din
jo thak gayā hai to ab is ko muḳhtasar kar de

sune koī to ab bhī raushnī āvāz detī hai
pahāḌoñ se guphāoñ se bayābānoñ se ġhāroñ se

añdheroñ meñ bhaTaktī hai javānī raushnī kaisī
ye kyā manzil hai mahrūm-e-tamannā ho ga.e ham tum

kisī kā qurb mire dil kī raushnī Thahre
kisī ke aane se ḳhushbū mire nafas meñ rahe

jaane kaisī raushnī thī kar ga.ī andhā mujhe
is bhayānak tīrgī meñ bhī bujhā rahtā huuñ maiñ

use raushnī kā gumāñ ho savere
na 'ḳhuddār' ko aisī zulmat hī diije