Tags-Sabr

taḌap phir ai dil-e-nādāñ ki ġhair kahte haiñ
aḳhīr kuchh na banī sabr iḳhtiyār kiyā

kahāñ kā sabr ki dam par hai ban ga.ī zālim
ba tañg aa.e to hāl-e-dil āshkār kiyā

thā kuchh shikast-e-dil se mirā imtihān-e-sabr
vahāñ apnī nāzukī kā faqat imtihāñ na thā

nāseho kyuuñ sabr karne ke liye karte ho tañg
is qadar dil tañg hai jā-e-shakebā.ī nahīñ

vo tamām shukr-o-razā sahī vo tamām sabr-o-sukūñ sahī
tū hai jis se mā.il-e-imtihāñ vo farishta hai to bashar bhī hai

sabr-e-ayyūbī kā jab labrez hotā hai subū
soz-e-ġham se khaultā hai jab ġhulāmoñ kā lahu

dushman kī jeb meñ tum sabr-o-shakeb meñ ham
tum dast-e-kotahī ho pā-e-nigār haiñ ham

tirī razā ke mutābiq hī faisle hoñge
tū sabr kar ki abhī rābta nayā nayā hai

jaur kā shikva na karūñ zulm hai
raaz mirā sabr ne ifshā kiyā

maiñ guzar ke aayā huuñ qabr se ki ilāqa rakhtā huuñ sabr se
mirī ruuh meñ koī iztirāb-e-fanā na ho kahīñ yuuñ na ho

to sun ke saath dauḌūñ jo maiñ man.a karūñ
zālim anān-e-sabr nahīñ iḳhtiyār meñ

had thī ye betābi-e-dil kī jāniye ab kyā honā hai
sabr kī had bhī hone aa.ī sub.h nahīñ yā shaam nahīñ

na shikāyat hai karam kī na sitam kī ḳhvāhish
dekh to ham bhī haiñ kyā sabr o qanā.at vaale

tirī duniyā meñ sabr o shukr se ham ne basar kar lī
tirī duniyā se baḌh kar bhī tire dozaḳh meñ kyā hogā

ye jo raushnī hai kalām meñ ki baras rahī hai tamām meñ
mujhe sabr ne ye samar diyā mujhe zabt ne ye hunar diyā

sabr aatā hai judā.ī meñ na ḳhvāb aatā hai
raat aatī hai ilāhī ki azaab aatā hai

na us ko sabr na tāsīr kā patā yā rab
jalā diyā hai mujhe ḳhaak meñ ye aah mile

bisāt-e-ishq-bāzī meñ mirā dil
matā-e-sabr-o-naqd-o-hosh haarā

luT gayā kārvān-e-sabr-o-qarār
qāsid-e-ashk ashk-bār aayā