Tags-Sabr

dāman-e-sabr bhī hāthoñ se mire chhūT gayā
ab to aa pahuñche haiñ palkoñ ke kināre aañsū

naale hoñ ki aaheñ ai shab-e-ġham jab aa ga.iiñ lab par sabr kiyā
sahne ko to sab kuchh dil ne sahā sahne kī tarah kab sah jaanā

fasīl-e-shukr meñ haiñ sabr ke hisār meñ haiñ
jahāñ guzar nahīñ ġham kā ham us dayār meñ haiñ

ye maqām-e-ishq hai kaun sā ye haiñ kaisī sabr kī manzileñ
na taḌap hai dil meñ na dard hai na sukūn hai na qarār hai

shukr kiyā hai in peḌoñ ne sabr kī aadat Daalī hai
is manzar se dekho bārish hone vaalī hai

le gayā sarmāya-e-sabr-o-qarār
māya-dar ab sabr kā jaatā rahā

tishna-kāmān-e-mohabbat se kaho sabr kareñ
maut hāthoñ meñ liye āb-e-hayāt aatī hai

hijr thā is kā bahut sabr-āzmā mere liye
ġham se patthar ho gayā lekin kabhī royā nahīñ

mire sabr ne bhī ġhazab kiyā ki adū kī jaan pe ban ga.ī
ye kahāñ kī choT kahāñ lagī ye kahāñ kā dard kahāñ uThā

ibtidā-e-ishq hai lutf-e-shabāb aane ko hai
sabr ruḳhsat ho rahā hai iztirāb aane ko hai

kab lag sake jafā ko us kī vafā-e-ālam
hai jis kā har karishma sabr-āzmā-e-ālam

qarār o tāqat o sabr o ḳhirad hue sab gum
tumhārī zulf meñ abtar hai haal kyā dil kā

vo ek haath ba.Dhaa.egaa tujh ko paa legaa
so dekh sabr kaa elaan bhii ziyaada nahii.n

dilo.n pe dard kaa imkaan bhii ziyaada nahii.n
vo sabr hai abhii nuqsaan bhii ziyaada nahii.n

rafta rafta band kaliyoñ ke bhī lab khulne lage
āb-e-sabr o hiddat-e-isbāt mere saath thī

āshiqoñ ke liye kis kaam kā hai sabr-o-qarār
jo tire ġham meñ rahe muztarib haal achchhā hai

'atā' be-sabr logoñ ke kabhī bartan nahīñ bharte
guzāra karne vāloñ kā guzārā hone lagtā hai

sabr kī mere mujhe daad zarā de denā
o mire hashr ke din faisla karne vaale

usī pe sabr hai mujh ko har ek daur yahāñ
bahār aane se pahle ḳhizāñ se guzrā hai